© 2026
२५ श्रावण २०८३, सोमबार
२५ श्रावण २०८३, सोमबार
काठमाडौँ । प्रतिनिधिसभाको शिक्षा, स्वास्थ्य तथा सूचना प्रविधि समितिमा विचाराधीन ‘राष्ट्रिय विधि विज्ञान प्रयोगशाला विधेयक, २०८१’ मा विधि विज्ञान प्रयोगशालाको कार्यकारी निर्देशकको नियुक्ति, योग्यता, काम, कर्तव्य र अधिकारका प्रावधानबारे छलफल भएको छ ।
समितिको आजको बैठकमा सो विधेयकमाथिको दफावार छलफलअन्तर्गत सांसदहरूले प्रयोगशालाको कार्यकारी निर्देशक नियुक्त गर्दा विधेयकमा प्रस्तावित शैक्षिक योग्यताका साथै जातीय विभेद तथा छुवाछुतको व्यवहार नगरेको व्यक्ति हुनुपर्ने व्यवस्था समेट्न प्रस्ताव गरेका छन् ।
त्यसै गरी, प्रयोगशालामा कर्मचारी नियुक्त गर्दा समावेशिताको सिद्धान्तलाई अपनाउनुपर्ने व्यवस्था विधेयकमै उल्लेख गर्न सांसदहरूले आग्रह गरे । बैठकमा विज्ञान, प्रविधि तथा नवप्रवर्तनमन्त्री महावीर पुनले आगामी दिनमा जुनसुकै निकायमा पदाधिकारी नियुक्ति गर्दा नयाँ प्रविधिमा दक्षता हासिल गरेका युवा पुस्तालाई प्राथमिकता दिइने बताए ।
उनले अब बनाइने ऐन–कानुनमा समेत नयाँ पुस्तालाई आकर्षित गर्दै अघिल्लो पुस्ताको अनुभव नयाँ पुस्तामा हस्तान्तरण गर्ने कार्यक्रमसमेत ल्याइने जानकारी दिए ।
समितिको आगामी बैठकमा पनि उक्त विधेयकमाथिको छलफल हुनेछ ।
© 2026
All rights reserved.
Design & Developed By:
