Butwal Today

शान्तिपुर–पोखरा–काठमाडौं बिधुतिय सेवा शुभारम्भ

२७ बैशाख २०८३, आइतबार
अ
अ+
अ-

गुल्मी । चन्द्रकोट गाउँपालिका शान्तिपुर क्षेत्रका युवा व्यवसायीहरूको लगानीमा यात्रु तथा वातावरणमैत्री इलेक्ट्रिक सवारी सेवा औपचारिक रूपमा शुभारम्भ भएको छ। शान्तिपुर बसपार्क र काठमाडौं बसपार्कबाट बिहान ७ बजे छुट्ने गरी सञ्चालनमा ल्याइएको मिनी माइक्रो बस सेवा रुद्रवेणी हुँदै कालिगण्डकी करिडोर, अर्वेनी, पुर्तिघाट, जैमिनी, मालढुंगा, कुश्मा र पोखरा मार्ग हुँदै काठमाडौंसम्म सञ्चालन हुनेछ। करिब ३५० किलोमिटर दूरीको यात्रा १० घण्टाभित्र सहज रूपमा पूरा गर्न सकिने सेवा सञ्चालक तथा उद्योग वाणिज्य संघ शान्तिपुरका अध्यक्ष तेजेन्द्र थापाले जानकारी दिए ।

गुल्मी यातायात प्रालिमार्फत सञ्चालन हुने उक्त सेवामा हाल १६ सिट क्षमताका ३ वटा ईभी गाडी सञ्चालनमा ल्याइएको छ। करिब २ करोड २५ लाख रुपैयाँ लगानीमा १५ जना व्यवसायीहरूको संयुक्त लगानी रहेको शान्तिपुर बजार व्यवस्थापन समिति अध्यक्ष तथा सेवा सञ्चालक तेज बहादुर थापाले बताए ।

सोहि क्षेत्र चन्द्रकोट गाउँपालिका अध्यक्ष युवराज केसीको प्रमुख आतिथ्यतामा सम्पन्न शुभारम्भ कार्यक्रममा वातावरणमैत्री र सर्वसुलभ यातायात सेवाले यस क्षेत्रका नागरिकलाई राजधानीसँगको पहुँच सहज बनाउने तथा इन्धनको वैकल्पिक प्रयोगमार्फत राष्ट्रिय अर्थतन्त्रमा समेत टेवा पुग्ने अध्यक्ष केसीले बताए ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

नवलपरासीमा यात्रु बस दुर्घटना हुँदा १६ जना घाइते

बुटवलमा राष्ट्रिय सञ्चार सम्मेलन सुरु : संकटमा पनि पत्रकारिताको महत्व नघट्ने दाबी

सुकुम्बासीको गुनासो ‘आवास दियो, तर आधारभूत सुविधा छैन’

सोमबारदेखि देशभर ‘राष्ट्रिय सरसफाइ सप्ताह’ सञ्चालन हुँदै

प्रशिक्षण कार्यक्रमको खर्चबारे आशिकाको प्रश्न

लोकतन्त्रका पक्षमाथि हुने गलत काम अस्वीकार्य छ : गगन थापा

उपसभामुखको स्पष्टिकरण : प्रधानन्यायाधीश कार्यक्षमताका आधारमा सिफारिस गरिएको हो

बजेटका लागि सुझाव सङ्कलन पोर्टल सञ्चालन