© 2026
१ फाल्गुन २०८२, शुक्रबार
१ फाल्गुन २०८२, शुक्रबार
काठमाडौँ ।
सरकारका प्रवक्ता तथा सूचना र सञ्चारमन्त्री जगदीश खरेल रास्वपाबाट प्रतिनिधिसभा सदस्यको उम्मेदवार बन्ने तयारी गरेका छन् ।
स्रोतका अनुसार, केहीबेरमा मन्त्री पदबाट राजीनामा दिई प्रतिनिधिसभा सदस्यको उम्मेदवारको टिकट लिन लागेका हुन् । ललितपुर बालकुमारीका स्थायी बासिन्दा खरेलले साँझ ५ बजे पत्रकार सम्मेलन गर्ने कार्यक्रम तय गरेका छन् । उनी ललितपुर–२ बाट उम्मेदवारी दिने तयारीमा छन् ।
स्रोतले भन्यो, “लगभग उहाँ उम्मेदवार बन्ने निश्चित भएको छ । ललितपुर–२ बाट नै उठ्नुहुन्छ ।”
फागुन २१ मा निर्वाचन गराउने जिम्मेवारीसाथ उनी सुशीला कार्की नेतृत्वको सरकारमा सहभागी भएका थिए । सरकारमा रहेर रास्वपामैत्री रहेका आरोप लागेका खरेललाई प्रधानन्त्री कार्कीले राजीनामा दिन सुझाव दिएकी थिइन् ।
आजै खेलकुदमन्त्री बब्लु गुप्ता र यसअघि उर्जामन्त्री कुलमान घिसिङले पनि राजीनामा दिइसकेका छन् ।
© 2026
All rights reserved.
Design & Developed By:
