© २०२३
२२ कार्तिक २०८२, शनिबार
२२ कार्तिक २०८२, शनिबार
काठमाडौं, २४ असोज ।
नेपाल राष्ट्र बैंकले एटीएममार्फत हुने कारोबारको सीमा घटाएको छ । राष्ट्र बैंकले शुक्रबार भुक्तानी प्रणालीसम्बन्धी कार्य गर्ने संस्थाहरूलाई एकीकृत निर्देशन जारी गर्दै प्रिपेड, डेबिट र क्रेडिट कार्डबाट हुने कारोबारमा नयाँ सीमा तोकेको हो ।
नयाँ व्यवस्था अनुसार अब डेबिट कार्डबाट एक पटकमा अधिकतम २० हजार रुपैयाँ र एक दिनमा अधिकतम ५० हजार रुपैयाँसम्म मात्र झिक्न पाइनेछ । यसअघि एकपटकमा २५ हजार रुपैयाँ र एक दिनमा १ लाख रुपैयाँसम्म झिक्न मिल्ने व्यवस्था थियो । यस अर्थमा नयाँ निर्देशिकाले सीमा घटाएको छ ।
त्यस्तै, महिनावारी सीमा पनि घटाइएको छ । अब महिनाभरमा अधिकतम ३ लाख रुपैयाँसम्म मात्र झिक्न पाइनेछ । अघिल्लो सीमा ४ लाख रुपैयाँ थियो । प्रिपेड कार्डका हकमा राष्ट्र बैंकले प्रतिकारोबार १० हजार, प्रतिदिन २० हजार र प्रतिमहिना २ लाख रुपैयाँको सीमा कायम गरेको छ ।
क्रेडिट कार्डको हकमा भने स्वीकृत सीमाको १० प्रतिशतसम्मको सीमा कायम गरिएको छ । बैंक तथा वित्तीय संस्थाबाहेकका सेवा प्रदायक संस्थाहरूको प्रिपेड कार्डमार्फत भने प्रतिदिन ५ हजार र प्रतिमहिना २५ हजार रुपैयाँसम्म रकम झिक्न सकिने व्यवस्था गरिएको छ ।
© २०२३
सर्वाधिकार सुरक्षित
Design & Developed By:
