खोज

आधुनिक युगमा, व्यवसायहरूले दिगो भविष्य निर्माणमा महत्वपूर्ण भूमिका खेल्छन् । एनसेलका लागि व्यावसायिक सामाजिक जिम्मेवारी (सीएसआर) र दिगोपन केवल कानूनी बाध्यता मात्र होइन, यसको पहिचानको अभिन्न हिस्सा हो । नेपालको पहिलो जीएसएम मोबाइल सेवा प्रदायकका रूपमा एनसेलले विगत दुई दशकदेखि दूरसञ्चार सेवा प्रदान गर्दै आएको छ, जसले १ करोड ४० लाख भन्दा बढी ग्राहकलाई सेवा दिइरहेको छ । सामान्य मोबाइल सेवादेखि आधुनिक फोरजी प्रविधिसम्म सेवा विस्तार गर्दै, एनसेलले नेपालको भण्डै ९५ प्रतिशत जनसंख्यामा आफ्नो भरपर्दो सेवा पु¥याएको छ ।
सन् २००५ मा एनसेलले तत्कालिन मेरो मोबाइल ब्रान्डको नाममा नेपाली बजार सेवा दिन थाल्दा मोबाइल सेवा विलासी सुबिधा मानिन्थ्यो । तर एनसेलले यसलाई सबैका लागि पहुँच योग्य र किफायती बनाउँदै दूरसञ्चार क्षेत्रमा क्रान्ति ल्यायो । यसले ग्राहक सेवा स्तरलाई विश्वस्तरीय बनाउनुका साथै करिब २५,००० नेपालीहरूलाई रोजगारी सिर्जना गरी मुलुकको आर्थिक तथा सामाजिक विकासमा योगदान पु¥याएको छ ।

हरेक वर्ष, एनसेलले नेपालका ठूला करदातामध्ये एक भएर सरकारलाई कर तथा विविध शुल्कहरू तिर्दै आएको छ । हालसम्म, एनसेलले कर तथा शुल्कमार्फत ३२० अर्ब रूपैयाँभन्दा बढी सरकारलाई तिरिसकेको छ, जसले नेपालका ठूला करदाताको आफ्नो भूमिका झल्काउँछ । आजको दिनमा, उच्च गतिको ब्रोडब्यान्डसहितका मोबाइल सेवाहरू आवश्यकताका रूपमा रूपान्तरण भइसकेका छन्, जसले आम मानिसदेखि व्यवसायहरू र समुदायहरूलाई सशक्त बनाउँदै आएको छ ।

सामाजिक उत्तरदायित्व र दिगोपनको प्रतिबद्धता
एनसेलको सामाजिक उत्तरदायित्व केवल कानुनको पालनामा मात्र सिमित छैन । यो समुदायलाई सशक्त बनाउन, नवीनता प्रवद्र्धन गर्न र सामाजिक आवश्यकताहरू पूरा गर्ने प्रतिबद्धताको अभिव्यक्ति हो । स्थापना कालदेखि हालसम्म एनसेलले विभिन्न सामाजिक परियोजनाहरूमा २ अर्ब रूपैयाँभन्दा बढी योगदान गरिसकेको छ, जसले प्रत्यक्ष वा अप्रत्यक्ष रूपमा १ करोड ३० लाख भन्दाबढि नेपालीहरूलाई फाइदा पु¥याएको छ ।

सन् २०२० मा लागू भएको औद्योगिक व्यावसाय ऐन र सन् २०२२ मा लागू भएको औद्योगिक व्यावसाय नियमावलीभन्दा धेरै अगाडि देखि नै एनसेलले सामाजिक पहललाई आफ्नो प्राथमिकता बनाई काम गर्दै आएको छ । सीएसआर कानुनी रूपमा बाध्यात्मक हुनु भन्दा पहिला नै ‘एडप्ट ए स्कूल’, ‘एनसेल छात्रवृत्ति तथा उत्कृष्टता पुरस्कार’ र ‘एनसेल एप क्याम्प’ गरिएका थिए । त्यसैगरी ‘वी केयर’ पहलअन्तर्गत त्रिभुवन विश्वविद्यालय शिक्षण अस्पताल र मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरलाई प्रदान गरिएको सहयोगजस्ता स्वास्थ्यसम्बन्धी परियोजनाहरूले गुणस्तरीय स्वास्थ्य सेवामा पहुँच सुधार गर्न योगदान गरेको छ ।

एनसेलले वातावरणय संरक्षणप्रति बलियो प्रतिबद्धता पनि देखाएको छ । धनुषाधाम, जनकपुरमा गरिएको वृक्षरोपणजस्ता पहलहरूले पारिस्थितिक सन्तुलन सुधार गर्न कम्पनीले गरेको प्रयासलाई झल्काउँछ । त्यसैगरी, काठमाडौं रिङ रोडको हरियाली परियोजनाले कोटेश्वर–कलङ्की सडक खण्डको १०.२ किलोमिटरलाई हरियाली बनाएको छ जसले शहरी सौन्दर्यीकरण र वातावरणीय दिगोपनमा योगदान पु¥याएको छ ।

एनसेल फाउन्डेसनः प्रभावकारी सामाजिक पहलमार्फत सामुदायलाई जोड्दै
एनसेलको १९औं वार्षिकोत्सवको अवसरमा एनसेल फाउन्डेसनको स्थापना गरिएको हो, जसले समावेशी, सशक्त र दिगो नेपाल निर्माणमा योगदान गर्ने लक्ष्य राखेको छ । फाउन्डेसनले कम्पनीका सबै सामाजिक पहलहरूलाई एउटै छातामुनि समेट्दै समन्वय गरि प्रभावकारी परिणाम र सरोकारवालासँग बलियो साझेदारी गर्न सक्षम बनाउँछ । यसले स्वास्थ्य, शिक्षा, वातावरण, विपद् व्यवस्थापन तथा प्रतिकार्य, जीविकोपार्जन सहयोगका क्षेत्रमा काम गर्दै आएको छ । यसै वर्षबाट ‘नाइन्टिन फर नाइन्टिन’ अभियान अन्तर्गत ७ वटै प्रदेशमा १९ परियोजना कार्यान्वयन गर्दै, एनसेलले अबको पाँच वर्षमा २० करोड रूपैयाँ सामाजिक क्षेत्रमा खर्च गर्ने प्रतिबद्धता जनाएको छ ।

स्वास्थ्य क्षेत्रमा एनसेलले धुलिखेल अस्पतालसँगको सहकार्यमा टेलिमेडिसिन एन्ड हेल्थ इनफरमेटिक्स् प्रोजेक्ट सञ्चालन गर्दै विकट भेगका जनतालाई गुणस्तरीय स्वास्थ्य सेवा प्रदान गरिरहेको छ । सिन्धुपाल्चोक, सोलुखुम्बु, नुवाकोट, र काभ्रेमा स्थापित अस्पतालका चार स्वास्थ्य केन्द्रहरूले १ लाखभन्दा बढी स्थानीयहरूलाई फाइदा पुर्याएको छ ।२०७२ सालको भूकम्पपश्चात्, एनसेलले १० करोड रूपैयाँ प्रधानमन्त्री राहत कोषमा योगदान गर्नुका साथै १.६ अर्ब रूपैयाँको दूरसञ्चार सेवा निःशुल्क प्रदान ग¥यो । यस्तै, गत वर्षको कर्णाली प्रदेशको भूकम्पमा प्रभावित जिल्लाका ग्राहकहलाई ४० लाखको सेवाहरू निःशुल्क प्रदान गर्नुका साथै पीडितहरूको उद्धार, उपचार र राहतका लागि सहयोग स्वरूप कर्णाली प्रदेश सरकारलाई ५० लाख रूपैयाँ सहयोग प्रदान गरेको थियो ।त्यसैगरी कोभिड–१९ महामारीको बेलामा, एनसेलले नेपाल सरकारलाई पीपीई र पीसीआर किट खरिद गर्न १० करोड रूपैयाँ सहयोग प्रदान गरेको थियो । साथै, प्रभावित समुदायहरूलाई आवश्यक स्वास्थ्य सामग्री तथा जनचेतना अभिवृद्धिमा योगदान पु¥यायो ।

यसपालीको वर्ष र बाढीको विनाशमा पनि एनसेल फाउन्डेसन विपद् व्यवस्थापन तथा प्रतिकार्यका कामहरूमा सक्रिय रूपमा संलग्न भयो । बाढी र पहिरोपछिको समयमा फाउन्डेसनले १,००० भन्दा बढी प्रभावित परिवारहरूलाई राहत सामग्री वितरण गर्यो । यी प्रयासहरूले आपतकालीन अवस्थाहरूमा समुदायहरूलाई सहयोग गरेर एनसेलले तत्परता र भरपर्दो कर्पोरेट नागरिकको रूपमा आफ्नो भूमिकालाई अझ सुदृढ बनाएको छ ।

विभिन्न सामाजिक परियोजनामार्फत देश र समुदायप्रति गरेको योगदानको सम्मान स्वरूप, एनसेलले राष्ट्रिय तथा अन्तर्राष्ट्रिय स्तरका प्रतिष्ठित सम्मान तथा पुरस्कारहरू पनि प्राप्त गरेको छ । यसमा डीआरआरएम एन्ड बीसीएम अवार्ड, ग्लोबल मोबाइल अवार्ड, वल्र्ड कम्युनिकेशन अवार्ड, एसोसीओ अवार्ड, र विस्टा ग्लोबल आईसीटी एक्सिलेन्स अवार्डजस्ता सम्मानहरू समावेश छन् । यी सम्मानहरूले समुदायसम्म पुगेर सकारात्मक सामाजिक प्रभाव सिर्जना गर्न एनसेलले लगभग दुई दशकदेखि देखाएको प्रतिबद्धतालाई प्रतिबिम्वित गर्दछ । एनसेलको ध्यान आम नेपालीलाई केवल दूरसञ्चार सेवामार्फत मात्र नभई अर्थपूर्ण र प्रभावकारी सामाजिक पहलहरूमार्फत पनि जोड्नमा केन्द्रित रहेको छ ।

अबको बाटो

आफ्ना सामाजिक पहलहरूलाई निरन्तरता दिँदै, एनसेल आफ्ना सीएसआर परियोजनाहरू विस्तार गर्न र ठोस नतिजा प्रदान गर्न प्रतिबद्ध छ । एनसेल फाउन्डेसनमार्फत, कम्पनीले महत्वपूर्ण सामाजिक मुद्दाहरू समाधान गर्न, साझेदारीहरू मजबुत बनाउन र नेपालको प्रगतिको लागि योगदान गर्ने लक्ष्य राखेको छ ।उदाहरणका लागि, मोडर्न डिजिटल ल्याब परियोजनाबाट ३०,००० भन्दा बढी विद्यार्थीहरू प्रत्यक्ष लाभान्वित भएका छन्, जसले धेरै विद्यार्थीहरूलाई पहिलो पटक कम्प्युटर प्रयोग गर्ने अवसर प्रदान गरेको छ । त्यसैगरी, जल तथा मौसम विज्ञान विभागसँगको सहकार्यमा एनसेलले एसएमएसमार्फत समयमै बाढीको जोखिमको सूचना प्रदान गरी जनधन बचाउन सहयोग पु¥याएको छ । एनसेलको ‘आज भोलि सधैंसँगै’ भन्ने नाराले वर्तमान र भविष्यका लागि समाजमा सकारात्मक परिवर्तन ल्याउने लक्ष्यलाई प्रष्टाउँछ । एनसेलले व्यवसायिक सफलता मात्र नभई सामाजिक उत्तरदायित्वलाई पनि उत्तिकै महत्व दिदै आएको छ । व्यवसायिक तथा सामाजिक साझेदारीद्वारा नेपाललाई समृद्ध बनाउन एनसेल फाउन्डेसनले भविष्यमा पनि निरन्तर योगदान पु¥याउन प्रतिबद्ध रहेको छ ।

हाल संचालनमा रहेको ‘नाइन्टिन फर नाइन्टिन’ पहलमार्फत १९ सामाजिक परियोजनाहरू कार्यन्वयन गरिने छन् । छानिने प्रत्येक परियोजनालाई १० लाख रूपैयाँ आर्थिक सहयोग प्रदान गरेर सामुदाय स्तरमा अर्थपूर्ण परिवर्तन ल्याउने काम गर्ने योजना रहेको छ ।बहुवर्षीय परिवर्तनकारी परियोजनादेखि साना साना पहलहरूसम्म, एनसेलले नेपालमा सीएसआरका लागि नयाँ मापदण्ड स्थापित गरेको छ । समुदायस्तरका चुनौतीहरूको समाधान गर्दै र नवप्रवर्तनलाई प्रोत्साहन गर्दै, एनसेल आशा र प्रगतिको प्रतीक बन्ने लक्ष्य सहित अघि बढिरहेको छ । अझ सशक्त, समावेशी, र दिगो समाज निर्माणका लागि हामी सबै एकताबद्ध भएर अगाडि बढ्नु आवश्यक छ ।