खोज

मोरक्को, ६ माघ।

सहरलाई सुन्दर बनाउने र त्यसको अवस्था सुधार्ने धेरै तरिका हुन सक्छ, तर उत्तर अफ्रिकी देश मोरक्कोमा ३० लाख सडक कुकुर मारिने भएका छन्। मोरक्कोले आफ्ना सहरहरूको रूप सुधार्न ३० लाख आवारा कुकुरलाई मार्ने विचार गरिरहेको जनाइएको छ।

यो सफाई प्रयासले पशु अधिकारकर्मीहरूमा आक्रोश पैदा गरेको छ। मोरक्कोमा हरेक वर्ष ३ लाख सडक कुकुर मारिने गरेको रिपोर्टले देखाउँदै आएको छ। मोरक्कोले २०३० फिफा विश्वकप आयोजना गर्दैछ। मोरक्कोलाई सहआयोजक घोषणा गरेपछि सडक कुकुर मार्ने यो प्रक्रियाले थप गति पाएको जनाइएको छ।

हरेक चार वर्षमा विश्वकपले संसारलाई बाँध्छ। विश्वको हरेक कुनाबाट अरबौं प्रशंसकलाई आकर्षित गर्दछ, तर मोरक्कोमा क्रूर सडक सफाई अभियानमा ३ लाख कुकुरहरू मारिसकेका छन्। फिफा फुटबल प्रतियोगिता मात्रै होइन, यो विश्वभरका मानिसहरूलाई जोड्ने सांस्कृतिक कार्यक्रम पनि हो।

यो खेल प्रशंसकहरूको लागि भावनात्मक यात्रा हो, जो यसलाई प्रत्यक्ष वा अन्य कुनै माध्यमबाट हेर्न उत्सुकतापूर्वक पर्खिरहेका छन्। खेलसँग यति धेरै भावना र जोश जोडिएको कार्यक्रम निर्दोष रूपमा सम्पन्न होस् भन्ने सुनिश्चित गर्न आयोजक राष्ट्रहरूमा ठूलो जिम्मेवारी हुनेछ। तर, मोरक्कोले भने ३० लाख कुकुर मारिने भएपछि पशु अधिकारकर्मीहरूले आपत्ति जनाएका छन्।