खोज

बुटवल, ५ माघ । समुदायमा स्वास्थ्य सचेतना जगाउने गरि रोटरी क्लब अफ बुटवलले वृहत निशुल्क स्वास्थ्य शिविर गरेको छ । देवदह मेडिकल कलेज एण्ड रिसर्च ईन्टिच्युट प्रालिको प्राविधिक सहयोग तथा रोट्याक्ट क्लब अफ बुटवल, आरएसी लुम्बिनी बाणिज्य क्याम्पस, रोट्याक्ट क्लब अफ केआईसी, रोट्याक्ट क्लब अफ बालकुमारी, ईन्ट्याक्ट होराईजन, अक्सफोड, दीप, कालिका, पामिर, होराईजन जिबिएस, क्याननको सहकार्यमा देवदह नगरपालिकास्थित फुलबारी आधारभुत विद्यालय परिसरमा कार्यक्रम गरिएको हो ।

कार्यक्रममा क्लबका अध्यक्ष प्रज्वल थान्जुले क्लबबाट स्थापना भएको आरसीसी बसन्तपुरमा गरिएको स्वास्थ्य शिविर उपलब्धिमुलक भएको बताए । सामान्य स्वास्थ्य समस्यामा हुदा नै चिकित्सकबाट परिक्षण गराउनुपर्छ भन्ने सन्देश दिने गरि कार्यक्रम गरिएको उनले बताए ।

शिविरमा देवदह मेडिकलका फिजिसियन, अर्थोपेडिक र महिला तथा स्त्रीरोग विशेषज्ञहरु डा.अनु मरहठ्ठा, डा.सृजन लम्साल, डा. सुवेच्छा भट्टराई, डा.प्रिया बर्मा लगायत टिमबाट सेवा प्रदान गरेका थिए । शिविरमा २७८ जना स्थानियहरुले सेवा लिएका थिए । कार्यक्रममा विद्यालय ब्यवस्थापन समितिका अध्यक्ष जगत गिरि, विद्यालयका प्रधानाध्यापक हुमलाल ढकालले ग्रामिण क्षेत्रमा स्वस्थ्य शिविर गर्दा स्थानियहरुलाई धेरै फाईदा मिल्ने बताए । ग्रिस फार्माच्युटिकल्स, एशियन फार्माच्युटिकल्स, सिद्धार्थ फार्साच्युटिकल्सबाट औषधी सहयोग भएको थियो ।