© २०२३
१ पुष २०८२, मंगलवार
१ पुष २०८२, मंगलवार
तिलोत्तमा ।
पत्रकारितामा स्थानीय तहका सवाल विषयक पत्रकारहरुको क्षमता अभिवृद्धि सम्बन्धी तालिम सम्पन्न भएको छ ।
आइतबार रुपन्देहीको तिलोत्तमा नगरपालिकाको नयांमिलमा तिलोत्तमा नगरपालिकाको आयोजना तथा नमस्ते लुम्बिनी मिडियाको संयोजनमा एक दिने पत्रकारितामा स्थानीय तहका सवाल विषयक पत्रकारहरुको क्षमता अभिवृद्धि सम्बन्धी तालिम सम्पन्न भएको हो ।
कार्यक्रममा बोल्दै तिलोत्तमा नगरपालिकाका नगरप्रमुख रामकष्ण खाणले नगरपालिकाले गरेका कामको सत्यतथ्य जनतामा लैजान पत्रकारहरुको महत्वपूर्ण भूमिका हुने बताए । नगरपालिकाले पत्रकारहरुको क्षमता अभिवृद्धि गर्न विभिन्न किसिमका कार्यक्रम गरिरहेको र अन्य ब्यावसायिक रोजगारमुलक तालिमहरु सञ्चालन गरिरहेको उनले जानकारी दिए ।
कार्यक्रममा नेपाल पत्रकार महासंघ रुपन्देहीका अध्यक्ष रामराज पोखरेलले समाजले पत्रकारहरुलाई हेर्ने दृष्टिकोण नकारात्मक हुन थालेको भन्दै यसतर्फ सञ्चारकर्मीहरु सचेत हुन जरुरी रहेको बताए । पत्रकारहरुको क्षमता विकास गर्न पनि समय समयमा यस्ता तालिमहरुको आयोजना हुनुपर्ने उनले बताए । तालिममा राष्ट्रिय समाचार समितिका अध्यक्ष धर्मेन्द्र झाले सहजीकरण गरेका थिए ।
© २०२३
सर्वाधिकार सुरक्षित
Design & Developed By:
