खोज

एक बर्षमा के के काम गर्नुभयो ?
हाम्रो देशको संघीय शासन प्रणाली अन्तर्गत तीन तहको सरकार मध्ये स्थानीय सरकारको नेतृत्व गर्ने पहिलो अवसर मलाई प्राप्त भयो । सुरुका दिनहरूमा केही अलमल जस्तो महसुस भएपनि सबैसंगको समन्वय, सहकार्य र यस अघि विभिन्न सामाजिक कार्यमा संलग्न भएकाले सरकार सञ्चालनमा त्यस्तो असजिलो वा जटिलता भोग्नुपरेको छैन । निकै सम्भावाहरूले भरिएको हाम्रो त्रिवेणी गाउँपालिकालाई समृद्धिको बाटोमा अघि बढाउन जिम्मेवार पूर्वक र उत्साहको साथ लागिपरेको छु ।

पालिकामा भएका मुख्य मुख्य काम के के हुन ?
–गाउँपालिकाको समग्र विकासका लागि गर्नुपर्ने काम धेरै नै छ । त्रिवेणीको पहिलो कार्यकालमा निवर्तमान जनप्रतिनिधीहरू तथा कर्मचारी लगाएत आम सरोकारवाला र नागरिकहरूको प्रयत्नमा जे जती उपलब्धीहरू प्राप्त भएका छन्, ती सबै उपलब्धीलाई रक्षा गर्दै थप प्रभावकारी काम गर्ने उद्देश्यले हामी लागिपरेका छौँ । खासगरेर सडक, खानेपानी, भवन निर्माण, सिंचाई संगै कृषि तथा पशुपालनका क्षेत्रमा काम गरेका छौँ । लुहाम फालावांग हुँदै दांगको मखनटाकुरी जोड्ने सडकको स्तरोन्नती, कोलचौर तथा राजागिठीमा लिफ्ट प्रणालीको खानेपानी योजना, स्वास्थ्य चौकी काभ्राको भवन निर्माण, वडा नम्बर २ मा पनि स्वास्थ्य चौकीको भवन निर्माण, जनता मावि काभ्रामा दुईवटा भवन निर्माणका काम हामीले यो अवधिमा गरेका छौँ । यस्तै वडा नम्बर १, ४ र ५ मा पनि विद्यालय भवन निर्माण गरेका छौँ भने ४ वटा भन्दा बढी सिंचाई कुलो निर्माण योजना संगै अन्य विभिन्न साना योजनाहरू पनि सम्पन्न गरेका छौँ ।

चुनावमा गरिएका बाचा कति पुरा भए ?
–चुनावको बेला कस्तो प्रतिवद्धता गरिन्छ भन्ने कुरामा यो विषय सम्बन्धीत हुन्छ जस्तो लाग्छ । सस्तो लोकप्रियताका लागि जे पनि वाचा गर्नहुँदैन । मैले त गर्न सकिने, हाम्रो क्षमताले भ्याउने खालको काममा मात्रै प्रतिवद्धता जनाएको थिएँ ।
ले एमविविएस सहितको स्वास्थ्य सेवा दिने भनेका थियौँ । त्यो पुरा भएको छ । यस्तै हामीले गरेको प्रतिवद्धता अनुसार किसानलाई उन्नत विउविजन तथा कृषि यन्त्रमा सहुलियत प्रदान गरेका छौँ । प्रतिवद्धता अनुसार नै हामीले शिक्षक दरबन्दी मिलान गरी ठाउँ अनुसारको विद्यार्थी अनुपातमा शिक्षक पदपुर्ती गरि पठनपाठनमा सहजता ल्याउने कार्य पुरा हुँदैछ । त्रिवेणीलाई उज्यालो बनाउने अभियान अन्तीम चरणमा छ । विकट र ग्रामिण बस्तीमा समेत विद्युत विस्तार भएको छ । मतदाता र नागरिकका विचमा गरेका वाचाहरू पुरा हुँदैगएका छन् । सिमित श्रोत साधनका वावजुध पनि हाम्रा प्रतिवद्धतालाई खेर जाननदिने कसरतमा छौँ ।

नँया नीति, कार्यक्रम र बजेट कुन क्षेत्रमा बढी केन्द्रीत होला ?
–त्रिवेणीको समग्र विकास र दिगो विकास लक्ष्य प्राप्तिका लागि निजी क्षेत्र, गैरसरकारी क्षेत्र, नागरिक समाज, समुदाय, पत्रकार, विकास साझेदार लगायत विकासका सबै सरोकारवालाहरू बीचमा अर्थपूर्ण सहकार्य, समन्वय र साझेदारी आवश्यक छ । यसलाई हामीले विशेष ध्यान दिएका छौँ । त्रिवेणी गाउँपालिकाको अवको नयाँ बजेटमा पनि कृषि, स्वास्थ्य, शिक्षा क्षेत्रलाई प्राथमिकतामा राखेर निरन्तरता दिइने छ । एक घर एक धाराको अवधारणलाई विशेष प्राथमिकता दिइने छ । पालिकाभित्र न्यून आय भएका परिवारका छोराछोरीलाई पालिकाभित्रैको सामुदायीक विद्यालयमा अध्ययन गरी उच्च शिक्षाका लागि एमविविएस, बिएससी एजी, बिएससी पढ्न चाहनेहरूका लागि गाउँपालिकाबाट छात्रवृत्तिको व्यवस्था गरिने छ । पूर्वाधार विकासलाई पनि हामी प्राथमिकतामा राख्ने छौँ । सार्वजनीक सेवा प्रवाहलाई सरल, छिटो र प्रविधिमैत्री बनाउन र सुसाशन अभिवृद्धिका लागि हाम्रो नीति कार्यक्रमले विशेष जोड गर्नेछ ।

जनप्रतिनिधीसंग कस्तो खालको अपेक्षा छ ?
–स्थानीय सरकार भनेको नागरिकको सबैभन्दा नजिकको घरदैलोको सरकार हो । आफ्नै गाउँ ठाउँका व्यक्ति स्थानीय सरकारको नेतृत्वमा हुने भएकाले स्वभाविक रूपमा नागरिकहरूको हामी जनप्रतिनिधीसंग धेरै नै अपेक्षा हुन्छ । जनप्रतिनिधीले आफ्ना हरेक सुखदुखमा साथ देओस्, नियमित सम्पर्कमा रहोस्, घरछेउँमा सडक आओस्, खेतबारीमा सिंचाइ सुविधा पुगोस्, घरघरमा धारा आओस्, शिक्षा स्वास्थ्यमा सहजता मिलोस् भन्ने जस्ता अपेक्षा गाउँपालिकावासीको छ । सीमित श्रोत साधनका कारण सबै कुरा एकैपटक गर्न नसकिने भएपनि हामी प्राथमिकताको आधारमा नागरिकहरूकै सुझाव र मागका आधारमा क्रमीक रूपमा पुरा गर्दै जानेछौँ ।

मुख्य समस्या र चुनौती के के छन् ?
–कुनै पनि काम गर्दा समस्या, अफ्ठ्यारा र चुनौती नआउने होइनन् । तर पनि हरेक समस्यासंग जुध्दै र समस्या समाधान गर्दै अघि बढ्न सक्नुपर्छ । गलतलाई प्रोत्साहन गर्ने स्वभाव मेरो कहील्यै पनि छैन । यसले गर्दा पनि समस्या समाधानमा सहजता हुनेगरेको छ । अर्काे कुरा चुनौतीको सामना गर्न सक्ने क्षमता पनि हुनुपर्नेरहेछ । नीति, विधी र पद्धतीबाट काम गर्ने हो भने खासै समस्या आउने देखिएन र अहिले सम्म त्यस्तो कुनैजटिल समस्या पनि भोग्नुपरेको छैन । तथापी विज्ञ समूह अपर्याप्त हुनु, सिमित श्रोत साधन हुनु जस्ता केही समस्या त छदैछन् ।

प्रदेश र संघीय सरकारबाट कस्तोे सहयोगको अपेक्षा छ ?
–हामीकहाँ गर्नुपर्ने काम धेरै नै छन् । हाम्रो पालिकाको बजेटबाट र श्रोत साधनबाट साना साना योजना तथा कार्यक्रम मात्रै कार्यान्वयन गर्न सकिन्छ । ठूलो र गौरवका आयोजनाहरू सञ्चालनका लागि संघ र प्रदेश सरकारले लगानी गरोस् भन्ने हाम्रो अपेक्षा छ । यसका लागि हामीले पालिकाको तर्फबाट माग पनि गरिरहेका छौँ । यस अलावा स्थानीय तहको क्षमता विकासका लागि, स्थानीय सरकारलाई बलियो र अधिकार सम्पन्न बनाउनका लागि दिल खोलेर माथील्लो तहका सरकारको सहयोगको अपेक्षा गर्दछौँ ।
अन्त्यमा
–गाँपालिकावासीले स्थानीय सरकारको जिम्मेवारी दिएको एक बर्ष भएको छ । यो अवसरमा जिम्मेवारी प्रदान गर्नुहुने अग्रज नेतागण तथा त्रिवेणी गाउँपालिकाबासी सबैमा धन्यवाद एबम कृतज्ञता जाहेर गर्द्छु । यो महत्वपूर्ण क्षणमा सल्लाह सुझाव दिई पालिकाको समग्र पक्षमा समुचित विकासमा सहयोग पु¥याउनु हुने सबैको ऋणि भएकोछु । जिम्मेवारीमा आएदेखी हाल सम्म जे जति गरियो सन्तोषजनक छ जस्तो लाग्छ । यो हाम्रो एकल प्रयासले मात्र सम्भव भएको होइन यहाँहरू सबै यसको भागेदार हुनुहुन्छ । आगामी दिनमा समेत विभिन्न सल्लाह सुझाव दिएर समृद्ध त्रिवेणीको आवाज सार्थकतामा पु¥याउन मद्दत गर्नुहुनेछ भन्ने मैले बिश्वास लियकोछु । साथै उपाध्यक्ष, वडा अध्यक्षहरू र प्रमुख प्रशासकीय अधिकृत लगायत कर्मचारीहरू कार्यपालिकाका सदस्यहरू वडा सदस्यहरू को अग्रगामी भावना एक वर्षे कार्यकालको प्रतिफल हो भने सबै वडाका स्वास्थ्यकर्मी साथीहरू र शिक्षकसाथिहरूको बिशेष भुमिकाले सफलता प्राप्तिको आधार स्तम्भ निर्माण भएको महशुस गरेको छु । साथै आगामी दिनमा विभिन्न सल्लाह सुझाव दिई वृहत् विकासमा टेवा पु¥याउनु हुनेछ भन्ने बिश्वास लियको छु .