खोज

बुटवल बैशाख । अपाङ्गता महिला संघ बुटवल–१६ को आयोजना र बुटवल उपमहानगरपालिकाको सहयोगमा ‘अपाङ्गता भएका व्यक्तिहरुका संस्था पदाधिकारी र प्रतिनिधीहरुका लागि दुई दिने प्रस्तावना र प्रतिवेदन लेखन’ तालिम प्रदान गरिएको छ । शुक्रबारबाट सुरुवात भएको तालिम शनिवार समापन गरिएको छ ।
तालिम समापन कार्यक्रममा बोल्दै बुटवल उपमहानगरपालिका सामाजिक सुरक्षा तथा पञ्जीकरण महाशाखा प्रमुख संगीता अर्यालले तालिममा सिकेको सीपलाई व्यवहारमा पूर्णरुपमा कार्यान्वयन गर्नका लागि आग्रह गरिन् । उनले व्यवहारिक तालिम रहेको भन्दै आगामी दिनमा यो तालिमलाई अझ बढि समय सम्म लम्बाउने गरी तालिम प्रदान गर्न आफुले सक्दोपहल गर्ने बताईन ।

तालिम समापन कार्यक्रममा बोल्दै अपाङ्गता महिला संघ रुपन्देहीका अध्यक्ष कल्पना ढकालले अपाङ्गता भएका व्याक्तिहरुका संघ संस्थाहरु भएपनि स–सानो प्रस्तावना प्रतिवेदन लेखनका लागि अर्काको भर पर्नुपर्ने अवस्था अव अन्त्य हुन अपेक्षा लिइएको बताईन । उनले दुई दिन सम्मको तालिमले व्यवहारिक रुपमा प्रस्तावना लेखन, प्रतिवेदन लेखन लगायतको विषयमा सहभागीहरुले धेरै कुरा सीकेको समेत बताईन । तालिम समापन कार्यक्रममा शुसिला पन्थी, भुकी चौधरी लगायतले आआफ्नो भनाई राखेका थिए । तालिमको सहकजीकरण सेतो गुँरास सेवा केन्द्र रुपन्देहीका अधिकृत अर्जुन कुमार तामाङ्गले गरेका थिए ।