खोज

बाँके फागुन- हिन्दूहरुको आस्थाको केन्द्र हो कैलाश मानसरोवर । बाँके तिब्बतमा पर्ने कैलाशको दर्शन गर्न जाने ‘ट्रान्जिट’ पनि हो । बर्षेनी संयौको संख्यामा भारतीय तिर्थयात्रीहरु बाँके हुँदै कैलाश दर्शन गर्न जान्छन् । त्यसरी आउने बिदेशी तथा स्वदेशी दर्शनार्थीका लागि बैजनाथमै कैलाशको प्रतिक बनाउने महत्वकांक्षी योजना बनाएका थिए, तत्कालिन मुख्यमन्त्री शंकर पोखरेलले ।
तत्कालिन प्रदेश पर्यटनमन्त्री एवं हालका मुख्यमन्त्री लिला गिरी समेतको उपस्थितीमा २०७६ फागुन पाँच गते पोखरेलले उक्त पार्कको शिलान्यास गरे । शिलान्यास लगत्तै जग्गाको सुरक्षाका लागि तारबार र एउटा भवनसम्म त बन्यो तर त्यसयता भने कैलाश निर्माणको काम अलपत्र परेको छ । पोखरेल मुख्यमन्त्रीबाट हटेलगत्तै कुलप्रसाद केसी र अहिले गिरी मुख्यमन्त्री छन् । तर पार्क निर्माणको खोजि कसैले गरेका छैनन् । प्रदेश सरकारले महत्वकांक्षी योजनाको सपना देखाएर अलपत्र छाडेपछि स्थानीय रुष्ट छन् ।
कैलाशको प्रतिक मात्र होइन त्यहाँ बोटानिकल गार्डेन समेत बनाउने योजना थियो । न्यू हरियाली सामुदायिक वन उपभोक्ता समुहको जङ्गल हाताभित्र निर्माण गरिने मानसरोवर पार्क तत्कालिन मुख्यमन्त्री पोखरेलको प्राथमिक योजना हो ।
तत्कालिन समयमा प्रदेश सरकारबाट बिनियोजित रकम मध्येबाट डिभिजन वन कार्यालय बाँकेको आर्थिक वर्ष ०७६र७७ को वार्षिक बजेट कार्यक्रम अन्तर्गत राज निर्माण निर्माण सेवा नेपालगन्ज सङ्ग १ करोड ६ लाख ८ हजार २ सय ९१ रुपैयाँमा २०७६ पौष २४ गते सम्झौता भइ २०७७ असार २५ गते सम्म निर्माण सम्पन्न हुनेगरी निर्माण कम्पनीले काम शुरु गरे पनि । पछि थप बजेट बिनियोजना नहुँदा काम अघि बढेन ।
जिल्ला वन कार्यालय बाँकेका सूचना अधिकारी गणेश खड्काले तत्कालिन समयमा वनको कार्यक्षेत्रमा उक्त पार्क निर्माणको पर्ने भए पनि अहिले पनि फेरिएको बताए । उक्त काम अहिले पर्यटन डिभिजन कार्यालय कोहलपुर अन्र्तगत पर्छ । उक्त कार्यालयका प्रमुख दिनेश अधिकारीले चालु आर्थिक वर्षका लागि रु १० लाख बजेट बिनियोजन भएको जानकारी दिए । भर्खरै सरुवा भई आएका र कैलाश पार्क निर्माणका बारेमा बुझ्दै गरेका अधिकारीले भने,–‘योजना निकै ठूलो रहेछ । मैले पनि निर्माणस्थल हेरे । अब चाँडै सरोकारवाला निकायसंग यस सम्बन्धमा बुझ्छु ।’
पर्यटनसंग सम्बन्धित अगुवाहरुले सरकार फेरिएसंगै अघिल्लो सरकारले ल्याएका योजना कार्यान्वयन नहुँदा काम अघि बढ्न नसकेको बताउँछन् । बिकासे योजना प्रतिशोध साध्दाको परिणाम कैलाश पार्क निर्माणको योजना अलपत्र पर्नु दुखद भएको उनीहरुले बताए । होमस्टे एशोसियसनका महासचिव कृष्ण चौधरीले बाँकेको पर्यटन प्रर्बद्धन हुने आशा गरिएको योजना अलपत्र पार्नु उचित नभएको बताए । उनले प्रदेश सरकारसंग योजना कार्यान्वयनका लागि अग्रसरता लिन माग गरेका छन् ।