खोज

गुल्मी,३० वैशाख ।
नेपाल कम्युनिष्ट पार्टी माओवादी (केन्द्र) का उपाध्यक्ष तथा पूर्व मन्त्री नारायणकाजी श्रेष्ठले माओवादी यथास्थितिमा सरकारमा जाने पक्षमा नरहेको बताएका छन् । प्रेस सेन्टर नेपाल गुल्मीले मंगलबार गुल्मीमा आयोजना गरेको पत्रकार सम्मेलनमा बोल्दै श्रेष्ठले माओवादी सरकारमा भन्दा पनि जनताको माझँमा गएको बताएका छन् । माओवादीले आफना विगतका गल्तीहरुलाई सच्याउँदै जनतासँगको सम्बन्धलाई मजवुत बनाउने गरी लागेको उनको भनाइ छ । सरकारमा मात्रै केन्द्रित हुँदा जनतासँगको सम्बन्ध टुटेकाले त्यसलाई सुधार गर्दै जनताको विश्वास जित्ने गरी पार्टी लागेको उनले बताए ।

पार्टी सरकारमा जाने भन्दा पनि वर्तमान सरकारलाई खवरदारी गर्ने कार्य नै पार्टीले मुख्य रुपमा लिएको उनको भनाइ छ ।
पार्टी अध्यक्ष पुष्पकमल दाहाल (प्रचण्ड) नेतृत्वको सरकारले सुशासनलगायतका कार्यहरु गर्दा सरकारबाट बाहिरिनु परेको बताउँदै पार्टी सुशासनको पक्षमा नै रहेको उनको दाबी छ । अहिलेको सरकारले जनताको काम गर्ने भन्दा पनि भ्रष्ट्राचारीहरुलाई बचाउने खेलमा लागेको उनको आरोप छ । आफू गृहमन्त्री हुँदा सुशासनलगायतका कार्यहरु गरेको दाबी गर्दै वर्तमान सरकारले जनताको पक्षमा काम गर्न नसकेको बताए । आजै युवा कम्युनिष्ट लिग ९वाइसिएल०को जिल्ला सम्मेलनलाई सम्बोधन गर्ने कार्यक्रम रहेको माओवादी केन्द्र गुल्मीले जनाएको छ ।