खोज

बर्दिया, चैत्र २४ गते ।

बर्दियाको गेरुवा गाँउपालिका वडा नं. १ बगहीपुरमा बाघ नियन्त्रणको लागि हात्ती परिचालन गरिएको छ ।

बगहीपुरको कुसुमटाडी समुदायिक बन छेउछाउको गाँउ बस्तीमा बाघले देनिक आक्रमण गर्न थालेपछि बाघ नियन्त्रणको लागि आज विहान देखि हात्ती परिचलन गरिएको हो ।

स्थानिय मिनराज चौधरीका अनुसार बाघले दैनिक किसानका राँगा, गाई, भैँसी, बाख्राहरुलाई आक्रमण गर्न थालेपछि स्थानियमा त्रास फैलिएको छ । बाघले तिन चार दिनदेखि जनकनगर, भठेरा र बगहीपुरका गाँउहरुमा आक्रमण गर्दै आएपछि निकुञ्जलाई खबर गरी नियन्त्रणका लागि टोली खटाईको स्थानिय चौधरीले बताए ।

हरेक दिन झनझन जटिल हुँदै गएको गेरुवाकै स्थानिय अमित विष्टले बताए । राती मात्र नभएर दिनमा समेत बाघको त्रास भैसकेको स्थानिय विष्टले सुनाए । पहिला शुरुमा जंगलमा गएको बेला आक्रमण गरेरिहेको थियो भने अहिले गोठालामा समेत आएर आक्रमण गरिरहेको छ । अहिले नियन्त्रणका लागि ४ ओटा हात्ती र बर्दिया राष्ट्रिय निकुञ्जको टोली नियन्त्रणका लागि जंगल प्रवेश गरिसेका छन् ।

बाघ नियन्त्रण नभएसम्म निरन्तर प्रयास गर्ने बताउँदै अहिलेसम्म गाई गोरु बाख्रा आएपनि मानिवय क्षति भने नभएको बर्दिया राष्ट्रिय निकुञ्जले जानकारी गराएको छ ।

बर्दियमा जंगल छेउमै गाँउ भएकोले यस्ता घट्नाहरु दैनिक जसो घटिरहेको पाईन्छ ।