खोज

बुटवल, १४ चैत ।
शारीरिक सुगठनका खेलाडीहरुलाई प्लेटफर्म दिने उदेश्यका साथ रुपन्देहीमा ११ औ संस्करणको अन्तर प्रदेशस्तरीय बुटवल श्री शारीरिक सुगठन प्रतियोगिता हुने भएको छ । चैत १६ गते शनिबार नबिन औद्योगिक मावि परिसरमा हुने प्रतियोगिताको तयारी पुरा भएको विहिबार बुटवलमा पत्रकार सम्मेलन गरि आयोजक लुम्बिनी शारीरिक सुगठन तथा फिटनेश संघका अध्यक्ष सितु श्रेष्ठले बताए । ‘यसपटक पाच वटा प्रदेशका खेलाडीहरुले भाग लिदैछन ।’–उनले भने ।

लुम्बिनी, गण्डकी, सुदुर पश्चिम, कर्णाली तथा मधेश प्रदेशका जिम, क्लब, संघ संस्थाका करिब १५० भन्दा बढि खेलाडीहरु प्रतियोगितामा सहभागिता हुने उनले बताए । प्रतियोगितामा पुरुष शारीरिक सुगठन ५५, ६०, ६५, ७० र ७० केजी भन्दा बढि तौल समुह गरि पाच तौल समुह र महिला तर्फ खुल्ला फिजिक्स प्रतियोगिता हुने उनले बताए । प्रत्येक वजन समुहमा प्रथम हुने खेलाडीले मेडलसहित प्रमाणपत्र तथा ओभर अल प्रतियोगितामा सहभागिता हुने अवसर पाउने छ । द्वित्तीय र तृतीय हुने खेलाडीलाई मेडलसहित प्रमाणपत्र तथा नगद ८ हजार तथा ५ हजार रुपैयाबाट पुरस्कृत गरिने उनले बताए । यसैगरि ओभरअल बिजेता हुने एक जना खेलाडीले नगद पुरस्कार १ लाख, ट्रफी, उपहार तथा व्यानेट सहित बुटवल श्री को उपाधि प्राप्त गर्ने उनले बताए । उपबिजेता चार जनालाई जनही नगद १० हजार रुपैयासहित ट्रफिबाट पुरस्कृत गरिने उनले बताए ।

यसैगरि वुमन फिजिक्स समुहमा प्रथम हुने खेलाडीले नगद रु २० हजार, ट्रफिसहित, मेडल, प्रमाणपत्र तथा द्वित्तीय र तृतीय हुने खेलाडीले नगद १० हजार तथा ५ हजार रुपैया र मेडल, प्रमाणपत्रबाट पुरस्कृत गरिने उनले बताए ।

नेपालमा शारिरीक सुगठन खेलको विकासमा प्रजातन्त्रका सेनानी तथा अमर शहिद धर्मभक्त माथेमा पालादेखि शुरु भएको भन्ने इतिहास रहेको रुपन्देही जिल्ला शारीरिक सुगठन तथा फिटनेश संघका अध्यक्ष राजकुमार श्रेष्ठले बताए । खेलप्रति आर्कर्षित गराई स्वस्थ्य रही असल नागरिक बन्न पे्ररणा दिई दुब्र्यशनमुक्त समाजको निमार्णमा सहयोग गर्ने उदेश्यसहित विगत २०६५ सालदेखि रुपन्देही जिल्ला शारीरिक सुगठन तथा फिटनेश संघको आयोजनामा बुटवल श्री निरन्तर संचालन हुदै आईरहेको उनले बताए । प्रथम बुटवल श्री २०६५ का विजेता बिकास चौधरी, दोश्रो बुटवल श्री २०६८ विजेता शेर बहादुर खाम्चा, तेश्रो बुटवल श्री २०७० बिजेता बिनोद बज्राचार्य, चौथो बुटवल श्री २०७२ विजेता बिजेन्द्र मान श्रेष्ठ, पाचौ र छैठौं बुटवल श्री २०७३, २०७४ बिजेता तारा थापा तथा सातौं बुटवल श्री २०७५ बिजेता चन्द्रमान श्रेष्ठ, आठौं बुटवल श्री २०७५ विनोद सुनार, नवौ २०७६ र दशौ २०७९ मा कृष्ण कुमार श्रेष्ठ विजेता रहेका थिए ।