© २०२३
८ पुष २०८२, मंगलवार
८ पुष २०८२, मंगलवार
जितपुर, २१ फागुन ।
दोस्रो मुख्यमन्त्री कपिलवस्तु तिलौराकोट गोल्डकप फुटबल प्रतियोगिताको उपाधि मच्छिन्द्र फुटबल क्लबले जितेको छ । बुद्ध रंगशालामा बुधबार भएको फाइनल खेलमा थ्रीस्टार फुटबल क्लबलाई १–० गोलले पराजित गर्दै मच्छिन्द्र च्याम्पियन बनेको हो ।
मच्छिन्द्रका लागि खेलको १२ औं मिनेटमा देवेन्द्र तामाङले निर्णायक गोल गरे । उत्कृष्ट प्रदर्शन गर्न सफल देवेन्द्र ‘म्यान अफ द म्याच’ घोषित भए, जसअन्तर्गत उनले नगद १० हजार रुपैयाँसहित ट्रफी प्राप्त गरेका छन् ।
उपाधिसँगै मच्छिन्द्रले नगद ११ लाख ११ हजार १११ रुपैयाँसहित शिल्ड, मेडल र प्रमाणपत्र हात पर्न सफल भएको छ । उपविजेता बनेको थ्रीस्टार फुटबल क्लबले ५ लाख ५५ हजार ५५५ रुपैयाँसहित शिल्ड, मेडल र प्रमाणपत्र हात पा¥यो ।
सेमिफाइनल चरणमा मच्छिन्द्रले जोङ्ग्री एफसी सिक्किमलाई १–० को रोमाञ्चक जित निकाल्दै फाइनलमा स्थान बनाएको थियो। त्यस्तै, थ्रीस्टारले सेमिफाइनलमा संकटा एफसीलाई १–० ले पराजित गर्दै फाइनल यात्रा तय गरेको थियो ।
जिल्ला फुटबल संघ, कपिलवस्तुको आयोजनामा फागुन १४ गतेदेखि सुरु भएको प्रतियोगितामा आठ टोलिको सहभातिगा रहेको थियो ।
© २०२३
सर्वाधिकार सुरक्षित
Design & Developed By:
