खोज

बुटवल, १९ फागुन।
सुनगाभा सैनामैना गोल्डकप फुटबल प्रतियोगितामा आयोजक मुर्गिया फुटबल क्लबले बिजयी सुरुवात गरेको छ। सैनामैना नगरपालिकाको संरक्षकत्व तथा मुर्गिया फुटबल क्लबको आयोजनामा सैनामैना फुटबल रंगशाला मुर्गियामा सोमबारदेखि भएको उद्घाटन खेलमा गोर्खा ब्वाइज रुपन्देहीलाई १–० गोल अन्तरले पराजित गर्दै आयोजक मुर्गिया एफसीले विजयी सुरुवात गरेको हो।

निक्कै प्रतिस्पर्धात्मक खेलको पहिलो हाफमा पाएका अवसरलाई गुमाएको गोर्खा खेलको दोस्रो हाफमा गोल खान पुग्यो। खेलको १९ औँ मिनेटमा रोशन पहाडीले विजयी गोल गरे। खेलमा मुर्गिया फुटबल क्लबका रोशन पहाडी खेलको म्यान अफ द म्याद घोषित हुँद नगद पाँच हजारबाट पुरस्कृत भए। मंगलबार नेपाल पुलिस र फर्साटिकर युथ क्लबबिच दोस्रो खेल हुनेछ ।

कार्यक्रममा खेल संयोजक अशोक खड्काले प्रतियोगितामा उपाधि विजेताले नगद ७ लाख रुपैया, कप, मेडल, प्रमाणपत्रबाट पुरसकृत गरिने उनले बताए। यसैगरि उपविजेता टिमले नगद ४ लाख रुपैया, कप, मेडल, प्रमाणपत्र तथा विधागत रुपमा उत्कृष्ट खेलाडीहरुलाई समेत नगद, कपबाट पुरसकृत गरिने उनले बताए। फागुन २८ गतेसम्म चल्ने प्रतियोगितामा ए डिभिजन, विभागिय टिम र एउटा विदेशीसहित १० टिमले भाग लिएका छन।

एक कार्यक्रमका बिच सैनामैना नगरपालिकाका नगरप्रमुख फणीन्द्र शर्माले उद्घाटन गर्दै युवाहरुलाई खेलमार्फत विकासमा लैजाने गरि योजना बनाउनुपर्ने बताए।

कार्यक्रममा उपप्रमुख बिना राना, सैनामैना नगरपालिकाका पुर्व नगरप्रमुख चित्र बहादुर केसी, अखिल नेपाल फुटबल संघ (एन्फा) का केन्द्रीय उपाध्यक्ष दिर्घ बहादुर केसी (कुमार), क्लबका अध्यक्ष प्रविन भारीले खेल प्रतियोगितालाई सबै पक्षबाट सहयोग जरुरी रहेको बताए।