© २०२३
६ पुष २०८२, आइतबार
६ पुष २०८२, आइतबार
काठमाडौँ ।
जारी आइसीसी च्याम्पियन्स ट्रफी अन्तर्गत आज इङ्ल्याण्ड र अफगानिस्तानबीच खेल हुँदैछ। समूह बी अन्तर्गतको यो खेल पाकिस्तानको लाहोरस्थित गद्दाफी स्टेडियममा नेपाली समय अनुसार अपराह्न २:४५ बजे देखि सुरु हुँदैछ।
जारी प्रतियोगितामा इङ्ल्याण्ड र अफगानिस्तानले आ-आफ्नो पहिलो खेलमा हार बेहोरेकोले यो खेल दुवै देशका लागि महत्वपूर्ण रहेको छ। यो खेलमा हार बेहोर्ने देश सेमिफाइनलको दौडबाट बाहिरिने भएकाले दुवैका लागि जित्नै पर्ने अवस्था रहेको छ।
यसअघि इङ्ल्याण्ड अस्ट्रेलियासँग र अफगानिस्तान दक्षिण अफ्रिकासँग पराजित भएका थिए।समूह बी मा दक्षिण अफ्रिका २ खेलमा ३ अंकसहित शिर्ष स्थानमा रहेको छ भने अस्ट्रेलिया २ खेलमा ३ अंकसहित रनरेटको आधारमा दोस्रो स्थानमा रहेको छ।
इङ्ल्याण्ड र अफगानिस्तानबीचको हेड-टू-हेडको कुरा गर्दा दुवैबीच अहिलेसम्म केवल ३ एकदिवसीय खेल भएका छन्। जसमा इङ्ल्याण्डले २ खेल जितेको छ भने अफगानिस्तानले एक खेल जितेको छ।
जारी आइसीसी च्याम्पियन्स ट्रफीमा समूह ए बाट भारत र न्यूजील्याण्ड सेमिफाइनलमा पुगिसकेका छन् भने पाकिस्तान र बंगलादेश सेमिफाइनलको दौडबाट बाहिरिएका छन्।
© २०२३
सर्वाधिकार सुरक्षित
Design & Developed By:
