खोज

पाल्पा, १३ माघ । कोभिड संक्रमणको बेला वरदान बनेको पाल्पाको स्वाव परिक्षण गर्ने प्रयोगशाला अहिले बेवारिसे बनेको छ । सयौं बिरामीको लागि नया जीवन दिएको पाल्पाको तानसेनमा रहेको प्रयोगशाला यतिखेर प्रयोगविहीन हुन पुगेको हो । प्रयोगशालाको स्वामित्व, कर्मचारी ब्यवस्थापनको समस्या देखिएको छ । कोरोना संक्रमणको महामारी फैलिएको समयमा संसारै साघुरो थियो । कोरोना संक्रमणले जताजतै आक्रान्त पारेको थियो । कोरोना परिक्षणका लागि काठमाडौं, चितवनसम्म स्वाव संकलन गरेर पठाउदा हप्ता, दश दिनमा रिर्पाेट आउथ्यो । बिरामी भने मनोवैज्ञानिक रुपमा कमजोर भईसकेका हुन्थ्यो । त्यस्तो समयमा यहा प्रयोगशाला खुल्दा सबैलाई सजिलो भयो । भगवानको वरदान नै भएको प्रयोगशाला अहिले भने प्रयोग विहीन भएको देख्दा स्वस्थ्यकर्मीहरु समेत दुखी छन ।

तत्कालिन अवस्थामा पाल्पा अस्पताल व्यवस्थापन समितीले तानसेनको काजीपौवामा निर्माण गरेको प्रयोगशाला कोरोना महामारी हटेसंगै संरक्षण उपयोगिता विहीन हुन पुगेको स्थानियहरु बताउछन् । प्रयोगशालाका लागि थि«फेज विद्युत लाइन फर्निचर, स्वाव परिक्षण गर्ने मेसिन जस्ता मेसिनहरु जडान गरिएको थियो । पछिल्लो समयमा यही प्रयोगशाला कसको संरक्षण र स्वामित्वमा रहने भन्नेदेखि अस्पताल व्यवस्थापन समितिमा समेत राजनैतिक दलको हस्तक्षेप हुन लागेपछि करोडौ रुपैया खर्चिएका यो प्रयोगशालाहरु बेबारिसे हुन पुगेको स्वास्थ्य प्राविधिकहरु बताउछन् ।

तत्कालिन संघिय सासद सोम प्रसाद पाण्डेको पहलमा पाल्पा अस्पतालका तत्कालिन अध्यक्ष नेत्र प्रसाद पाण्डेको व्यवस्थापनमा प्रयोगशाला संचालनमा आएको अस्पतालका प्राविधिक नवराज बस्याल बताउछन् । पाल्पा अस्पतालका निवर्तमान अध्यक्ष नेत्र प्रसाद पाण्डे भन्दछन् – ‘खोला तरेपछि लौरो बिर्सने हाम्रो चलन छ । उतिबेला यहि प्रयोगशाला पाल्पामा ल्याउने क्रममा सारै दु.ख गरेको हो ।’

काठमाडौंबाट स्वाव परिक्षण मेसिन ल्याउन, जडानका लागि विद्युत, फर्निचर, फ्रिज कसरी व्यवस्थापन गरियो भन्ने त कमैलाइ मात्र थाहा होला । पछिल्ला समयमा व्यवस्थापन गर्नेले ध्यान नदिदा लथालिङ भताभुङ हुन पुग्यो । कोभिडको समयमा दैनिक ३ सय भन्दा बढिको स्वाव परिक्षण गरिएको प्रयोगशाला अहिले कसिङ्कर भएको छ । पछि अस्पतालमा नया व्यवस्थापन समिति पनि बन्यो । त्यसैगरी कोरोना पनि हरायो अब त्यसको के काम कसको स्वाव परिक्षण गर्ने त्यसले गर्दा मेसिन प्रयोग विहीन हुन पुगेको स्वास्थ्य कार्यालयका कर्मचारीहरु बताउछन ।