खोज

पाल्पा, ११ माघ । प्रधानमन्त्री केपी शर्मा ओलीले सिद्धबाबा सुरुङ्गमार्ग समयमै ब्रेक थ्रु भएको र बाँकी काम पनि समयमै सम्पन्न हुने बताएका छन् । आज बगनासकाली गाउँपालिकाको नवनिर्मित अत्याधुनिक प्रशासकीय भवनको भर्चुयल माध्यमबाट उद्धघाटन गर्न प्रधानमन्त्री ओली सुरुङ्गमार्ग निर्माणले गण्डकी प्रदेश र लुम्बिनी प्रदेशको आर्थिक बिकासमा टेवा पुग्ने बताए ।

प्रधानमन्त्री ओलीले बगनासकाली गाउँपालिकाको प्रशासकीय भवनको उद्धघाटनका क्रममा पाल्पा घरेलु तथा कुटिर उद्योगको लागि प्रख्यात रहेकाले जनताको जीवनस्तरमा परिवर्तन ल्याउन घरेलु कुटिर उद्योग र कृषिमा जोडदिन स्थानीय सरकारलाई निर्देशन दिए । प्रधानमन्त्रीले पाल्पा राष्ट्रियता जोगाउने सन्दर्भमा पनि अगाडी रहेकाले त्यो भवना अटल रहोस भन्दै शुभकामना दिए ।

कार्यक्रमका बिशिष्ठ अतिथी नेपाल सरकारका उप प्रधान तथा शहरी बिकास मन्त्री प्रकाशमान सिंहले गाउँपालिकाले दिने सेवा प्रबाह सहज हुने बिश्वास ब्यक्त गर्नुभयो । उनले संबिधानले एकात्मक ब्यबस्था अन्त्य गरि संधात्मक ब्यबस्था कार्यान्वयन गर्न सबै स्थानीय तहलाई सुबिधा सम्पन्न गराउनको लागि ६० र ४० को अबधारणा अनुसार कार्यान्वयन गरेको बताए ।

त्यस्तै उद्धघाटन समारोह कार्यक्रममा नेपाल सरकारका उप प्रधान तथा अर्थ मन्त्री बिष्णु प्रसाद पौडेलले पाल्पाको बिकासको सवालमा नेपाल सरकार जानकार रहेको बताए । उनले सिद्धार्थ राजमार्गको स्तरउन्नती हुने बताउदै कालिगण्डकी ड्र«ाईभर्सन गर्ने योजनाले पनि पाल्पाको बिकासमा टेवा पुग्ने बताए ।

अर्थमन्त्री पौडेलले कालिगण्डकी कोरिडोर निमार्णले पाल्पालाई आर्थिक रुपमा योगदान पुर्याएको बताउदै सरकारले आबश्यकता भएर अध्यादेश ल्याएको बताउनुभयो उनले उक्त अध्यादेशले अनेकौ अवरोधहरु हटाउदै देशमा लगानी र उत्पादकत्व बृद्धि गर्न सहयोग पुग्ने बताए ।

बगनासकाली गाएँपालिकाको भवन निर्माणको जिम्मा पाएको न्यू ड्रयागन आर एण्ड आ जेभीले २०७८ फागुन ८ गते निर्माण सुरुगरि २०८० फागुन २ गते निमार्ण सम्पन्न गरेको बगनासकाली गाउँपालिकाको नवनिर्मित ४ तले भवनमा १९ वटा कोठा रहेका छन् । भवन निमार्ण सम्पन्न गर्नकालागि भ्याटबाहेक ५ करोड ६७ लाख ४९ हजार १४७ रुपैया लागानी लागेको छ । जसमा स्थानीय सरकारको ४० प्रतिशत र संघिय सरकारको ६० प्रतिशत हिस्सा रहेको छ ।