खोज

बुटवल, ११ पुस । २१ औ माछापुच्छ्रे बैक पोखरा ओपन तथा भेट्रान्स लन टेनिस प्रतियोगिता २०८१ बिहिबारदेखि शुरु भएको छ । कास्की टेनिस संघको आयोजनामा शुरु भएको प्रतियोगिताको एक समारोहका बिच गण्डकी प्रदेशका सामाजिक विकास, युवा तथा खेलकुदमन्त्री बिन्दु कुमार थापाले उद्घाटन गर्दै पर्यटनको राजधानी पोखरालाई खेलबाट चिनाउने गरि अघि बढ्न सकिने बताए । खेल विकासमा निजि क्षेत्रबाट भएको लगानीलाई सरकारबाट उचित मुल्याकन गर्ने उनले बताए ।

कार्यक्रममा प्रदेश खेलकुद विकास परिषद गण्डकीका सदस्यसचिव श्रीधर शर्माले नेपालको झण्डा, नेपालीहरुको एकता र शिर उचो गराउने काम खेलाडीहरुबाट भएको बताए । नेपाल सरकारको संघमा केवल ०.९, प्रदेशमा ०.९५ र स्थानिय सरकारबाट केवल ०.३ प्रतिशत मात्र बजेट बिनियोजन भएको तथ्याकबाट खेलको अवस्थाको वास्तविकता देखिने उनले बताए । एउटा खेलाडीलाई न्युनतम पनि जिविकोपार्जन हुने गरि लाग्नुपर्ने बताए । खेलाडी कल्याणकारीको विधामा गण्डकी प्रदेश अन्तिम चरणमा रहेको उनले बताए ।

कार्यक्रममा नेपाल टेनिस संघका केन्द्रीय उपाध्यक्ष तथा गण्डकी प्रदेशका अध्यक्ष बिनोद कायस्थले प्रतियोगिताको शुरुवाती चरणको ईतिहास बारेमा जानकारी दिदै बृहत् स्वरुपमा आईपुगेको बताए । काठमाडौ र पोखराका ९/९ जना खेलाडीहरुको अगुवाईमा प्रतियोगिता शुरु भएर २१ औ संस्कारणमा आईपुग्दा अन्तराष्ट्रिय स्तरसम्म आईपुगेको उनले बताए ।

कार्यक्रममा संघका उपाध्यक्ष एवं संयोजक नबिन चालिसेले खेलप्रेमी र प्रायोजकहरुको साथ र सहयोगकै कारण प्रतियोगिताको २१ औ संस्करणसम्म आएको बताए । पोखरा रंगशालामा टेनिसको विकासमा सरकारबाट नगन्य सहयोग रहेको दुखेसो गरे । निजि क्षेत्रको लगानीमा ६ वटा कोर्टहरु तयार भएको उनले बताए । नेपालकै दोस्रो ठूलो र निरन्तर संचालन हुँदै आएको प्रतियोगितालाई अब सरकारबाट बजेट बिनियोजन गर्न उनले आग्रह गरे ।

कार्यक्रममा संघका अध्यक्ष राजकुमार गुरुङले खेल विकास गर्न विगत लामोसमयदेखि संस्थागत रुपमा लागेको बताए । टेनिस खेलाडी उत्पादन गर्ने लक्ष्यसहित दुई दर्जन बढि बालबालिकाहरुलाई नियमित प्रशिक्षण समेत गराउदै आएको उनले बताए ।

प्रतियोगिताको डाईरेक्टर कुमार अधिकारी, सचिव भिष्मराज पौडेलले पोखराको पर्यटनसंगै खेललाई जोडेर लैजान जरुरी रहेको बताए । पोखरा रंगशालामा २२ रोपनी क्षेत्रफलमा टेनिस कोर्टको पुर्वाधार निर्माण भएको छ । प्रतियोगितामा नेपालसहित दक्षिण कोरिया, हङकङ, भारत र भुटानबाट समेत गरि १५५ बढि सहभागिता रहेको छ ।

यसैबिच विहिबार भएको ३५ प्लसतर्फको खेलमा रुपन्देहीका विकास खड्काले श्रीमान्त गुरुङलाई ६–३, ६–१ अंकले जित निकालेका छन । यसैगरि रुपन्देहीका ३५ प्लस सिगलमा सन्जय श्रेष्ठ, सागर थापाले वाकओभर पाउदै दोस्रो चरणमा प्रवेश गरेका छन ।

कार्यक्रममा कास्की प्रदेशका पुर्व सभासद दिपक कोईराला, नेपाल टेनिस संघका उपाध्यक्ष तथा गण्डकी प्रदेशका अध्यक्ष बिनोद कायस्थ, हङकङ नेपाल टेनिस संघका अध्यक्ष किशन थापा, कास्की जिल्ला उधोग वाणिज्य संघका अध्यक्ष गोकर्ण कार्की, नेपाल टेनिस संघका पुर्वअध्यक्ष मनोज राणा, कोर्टदाता उत्तम कुमार शेर्पाले कार्यक्रमको सफलताको शुभकामना दिए ।

डेभिस कपमा बिजेता खेलाडी र टिम ब्यवस्थापक ज्ञवालीलाई पोखरामा सम्मान

यसैबिच बहराईनमा डेभिस कप बिजेता खेलाडी र टिमलाई सम्मान गरिएको छ । नेपाललाई डिभिजन फाईभबाट फोरमा ल्याउन सफल भएका खेलाडीहरुलाइ प्रदिप खड्का, अभिशेष बास्तोला, रितिक राना, प्रणव मानन्धर, प्रणव खनाल तथा टिम ब्यवस्थापक गोपाल ज्ञवालीलाई दोसल्ला ओढाएर सम्मान गरिएको हो । यसैगरि टेनिस कम्प्लेक्स निर्माणको १० वर्ष पूरा भएको अवसरमा निर्माणमा योगदान दिने दाताहरुलाई समेत सम्मान गरिएको छ ।