खोज

बुटवल, १० पुस ।
मेलामा मंगलबार पनि दर्शकको उत्साहजनक सहभागिता रहेको छ । यहि पुसको ३ देखि सुरु भएको औद्योगिक व्यापार मेलामा मंगलबार भ्वाईस अफ बुटवल, खुल्ला लोक तथा दोहोरी गित प्रतियोगिता, डान्स च्याम्स् लगायतका प्रतियोगितात्मक कार्यक्रम भएको प्रचारप्रसार उपसमितिका संयोजक दीपकप्रसाद चापागाईले जानकारी दिए । मंगलबार मेलामा लोक तथा दोहोरी गायक दीपक खड्का, रितु कंडेल, बसन्त लम्साल, मञ्जु भट्टराई, समिक्षा बिसि, आधुनिक गायक अर्जुन कौषल, आभाष काफ्ले लगायतका कलाकारहरूको प्रस्तुती रहेको थियो ।
त्यस्तै बुधबार बहुचर्चित गायिका एलिना चौहान, लोक तथा दोहोरी गायक कृष्ण रेउले, नारायण विपि परियार, धनबहादुर गुरुङ, सुशिला गौतम, शिला गुरुङ, तारा थापा, डान्सर दीपा थापाको प्रस्तुती रहने सांस्कृतिक कार्यक्रम संयोजक निर्मित कसजूले जानकारी गराउनु भयो । त्यस्तै भ्याईस अफ बुटवल, खुला लोक तथा दोहोरी गित प्रतियोगिता, डान्स च्याम्स लगायतका प्रतियोगिता हुनेछन् ।
बुटवलमा यही पुस ३ गतेदेखि संचालनमा आएको औद्योगिक व्यापार मेला सफल बनाउन सरकारी निकायसँगै बिभिन्न कम्पनी, बैंक तथा बित्तीय संस्थाहरूले प्रायोजन गरेका छन् । मेला सफल बनाउन सौजन्यदाताहरूको भूमिका मत्वपूर्ण रहेको बुटवल उद्योग बाणिज्य संघ रूपन्देहीका अध्यक्ष तथा मेला मुल आयोजक समितिका संयोजक हरिप्रसाद अर्यालले जानकारी दिए ।
बुटवल उपमहानगरपालिका र नेपाल उद्योग वाणिज्य महासंघ संरक्षक रहेको औधोगिक व्यापार मेला बुटवल–२०८१ मा एशियन थाई फुड्स प्रा.लि.ले मुख्य प्रायोजक र राष्ट्रिय बाणिज्य बैंक लिमिटेड सहप्रायोजकको रूपमा सहयोग गरेको बुटवल उद्योग बाणिज्य संघ रूपन्देहीका महासचिव तथा मेलाका प्रवक्ता मुक्तिप्रसाद अधिकारीले बताए ।
त्यस्तै तिलोत्तमा नगरपालिकाले व्यूटी फेयर कार्यक्रम प्रायोजन गरेको छ । एशोदा फुड्स प्रा.लिले टिकट प्रायोजक गरेको छ भने ग्लोबल आई.एम.ई.बैंक लिमिटेड, नबिल बैंक लिमिटड, सिद्धार्थ बैंक लि. र लुम्बिनी केबल कार ले ब्यानर सौजन्य गरेको मेला प्रचारप्रसार उपसमितिका संयोजक दीपक चापागाइले जानकारी दिए । मेलामा जेनस मोर्टस प्रा.लि मुख्य सास्कृतिक कार्यक्रम प्रायोजन गरेकोछ भने डर्मा स्र्टोस नेपाल प्रा.लि ले सास्कृतिक कार्यक्रम इभेन्ट प्रायोजन गरेको सांस्कृतिक उपसमिति संयोजक निर्मित कसजुले बताए । दुगड स्पाइसेज एण्ड फुड प्रोडक्टस प्रा.लि मुख्य प्रबेशद्वार सौजन्य गरेको छ भने सिजि फुड्स (नेपाल) लि.ले बौद्ध स्तुपा सौजन्य गरेको छ ।
त्यस्तै करियर प्लानिङ्ग एजुकेशन नेटवर्क प्रा.लि. इभेन्ट प्रायोजक रहेको मेलाको बैकिङ्ग पार्टनरमा साइन रेसुङ्गा डेभल्पमेण्ट बैंक लिमिटेड र लक्ष्मी सनराइज बैंक लिमिटेड रहेका छन भने कृषि बिकास बैंक लिमिटेड र एक्सपर्ट नेपाल भिसा सर्भिसेज प्रा.लि प्रवद्र्धकको रूपमा रहेर सहयोग गरेको बुटवल उद्योग बाणिज्य संघका बाणिज्य उपाध्यक्ष बिमलराज भट्टराईले जानकारी दिए ।
मेलामा अरिहन्त इन्फ्रास्टक्चर लिमिटेडले भ्वाइस अफ बुटवलको प्रायोजन गरेको छ भने साईकृपा चिया प्याकेजिङ्ग उद्योग र नेपाल सेरामिक इण्डष्ट्रिज प्रा.लि पेभिलियन सौजन्य, सिद्धि बिनायक गु्रपअफ इण्डष्ट्रिज रेष्टुरेन्ट पेभिलियन तथा टिकटक प्रायोजन गरेका छन् ।