खोज

जितपुर, ४ पुस ।
१५औं कपिलवस्तु महोत्सवको मुख्य आकर्षणको रूपमा रहेको १३औं कपिलवस्तु डान्स आईडलको उपाधि प्रिन्सा हमालले जितेकी छिन् । मंगलबार आयोजित ‘ग्रान्ड फिनाले’ मा अन्य तीन प्रतिस्पर्धीलाई पछि पार्दै प्रिन्साले यो उपाधि जित्न सफल भएकी हुन् । उपाधि जितेसँगै प्रिन्साले १ लाख ११ हजार १ सय ११ रूपैयाँ नगद, चाँदीको ट्रफी र विभिन्न गिफ्ट ह्याम्परहरू प्राप्त गरेकी छिन् । बाणगंगा नगरपालिका–१ की प्रिन्सा प्रतियोगितामा भाग लिने सबैभन्दा कान्छी प्रतिस्पर्धी हुन् । उनको आकर्षक लुक्स र नृत्य कला प्रतियोगिताभर दर्शक र निर्णायकको ध्यान तान्न सफल भएको थियो ।
प्रतियोगितामा द्वितीय स्थान प्राप्त गर्ने प्रतिज्ञा गिरीले ७७ हजार ७ सय ७७ रूपैयाँ नगद, ट्रफी र गिफ्ट ह्याम्पर प्राप्त गरिन् । त्यस्तै तृतीय स्थानमा रहेकी पवित्रा कुमारी छहारीले ५५ हजार ५ सय ५५ रूपैयाँ नगद पुरस्कारसहित ट्रफी र गिफ्ट ह्याम्पर हात पारिन् । सान्त्वना स्थानमा पुगेकी निलम पौडेलले २५ हजार ५ सय २५ रूपैयाँ नगद, ट्रफी र गिफ्ट ह्याम्पर प्राप्त गरिन् ।
महोत्सवको ग्रान्ड फिनालेको अवसरमा विभिन्न सांस्कृतिक प्रस्तुतीले दर्शकहरूलाई मनोरञ्जन प्रदान ग¥यो । स्थानीय कलाकारदेखि राष्ट्रिय स्तरका कलाकारहरूले समेत आफ्नो प्रस्तुती दिएर माहोललाई उत्साहपूर्ण बनाएका थिए ।प्रतियोगिताका निर्णायक मण्डलमा नृत्य क्षेत्रमा ख्यातिप्राप्त व्यक्तित्वहरू रहेका थिए । उनीहरूले प्रतिभा, नृत्य कौशल, र प्रस्तुतीकरणलाई आधार मानेर विजेताहरूको छनोट गरेका थिए ।कपिलवस्तु डान्स आईडलको उद्देश्य क्षेत्रीय स्तरका प्रतिभाहरूलाई प्रोत्साहन गर्दै राष्ट्रिय तथा अन्तर्राष्ट्रिय मञ्चमा अवसर प्रदान गर्नु हो । आयोजकले यस वर्षको कार्यक्रमलाई अघिल्ला संस्करणभन्दा अझ प्रभावकारी बनाएको बताउँदै आगामी वर्षहरूमा थप वृहत् रूपमा आयोजना गर्ने प्रतिबद्धता व्यक्त गरेका छन् ।
प्रतियोगिताले स्थानीय प्रतिभाको पहिचान र उनीहरूको विकासमा उल्लेखनीय योगदान पु¥याउँदै आएको छ । महोत्सवमा सहभागी भएका प्रतिस्पर्धीहरूका अनुसार यो कार्यक्रम उनीहरूका लागि नृत्यकला प्रस्तुत गर्न र नयाँ अनुभव प्राप्त गर्न महŒवपूर्ण मञ्च भएको छ ।
समापन समारोहमा स्थानीय जनप्रतिनिधिहरू, व्यवसायी, र समाजसेवीहरूको उल्लेख्य उपस्थिति रहेको थियो । उनीहरूले महोत्सवको सफलताका लागि आयोजक समिति र सबै सहभागीहरूको प्रशंसा गरेका थिए । महोत्सवको अन्त्यमा आयोजकले सबै सहभागी र दर्शकलाई धन्यवाद दिँदै आगामी संस्करणमा अझ उत्साहजनक कार्यक्रम प्रस्तुत गर्ने आश्वासन दिए ।