खोज

प्यूठान, १४ मंसिर ।
प्यूठानको गौमुखी गाउँपालिकाका अर्खा र रजवारा गाउँलाई लामो झोलुङ्गे पुलले जोड्दैछ । पुलको बिहिबार प्रतिनिधि सभा सदस्य सुर्य बहादुर थापा क्षेत्रीले शिलन्यास गरेका छन् । गौमुखी गाउँपालिकाको वडा नं. १ लामाडाँडा देखि वडा नं. ३ को देउराली जोड्ने गरी पुल निर्माण थालिएको सस्पेन्सन बृज डिभिजन कार्यालय ललितपुरका इन्जिनियर गोपाल थापाले जानकारी दिए । पुल निर्माण गर्न दुई करोड ७२ लाख ७४ हजार रुपियाँमा ठेक्का सम्झौता भएको थापाले बताए । ३ सय ६५ मिटर लम्बाइ र १ सय ८० मिटर अग्लो पुल २०८२ मङ्सिर २७ मा सम्पन्न गर्नेगरी अधिकारी-अपर तामाकोसी जेभीले ठेक्का सम्झौता भएको छ ।
पुलको शिलन्यास गर्दै प्रतिनिधि सभा सदस्य सूर्य बहादुर थापा क्षेत्रीले जिल्लाकै लामो र अग्लो आयोजनाको रूपमा रहेको यस झोलुङ्गे पुललाई समयमै गुणस्तरीय तवरले सम्पन्न गर्नुपर्नेमा जोड दिए । निर्माण कम्पनिका प्रतिनिधि प्रकाश डाँगीले साइड शो, फाउण्डेशन तयार भएकोले आगामी असारसम्ममा पुल निर्माणको काम सम्पन्न गर्ने लक्ष्य राखेको बताए ।

१८ वटा लठ्ठा रहेको झोलुङ्गे पुल निर्माणले सो क्षेत्रमा रहेको गौमुखीको पर्यटन प्रवर्धनमा टेवा पुग्ने विश्वास लिइएको छ । झण्डै साढे दुई घण्डा लगाएर पुग्न सकिने अर्खा र रजवाराको गाउँलाई पुल निर्माणले आवतजावतले सहजता ल्याउने स्थानीय मुक्ति रानाले खुशी व्यक्त गरे । लामिडाडाँबाट देउराली पुग्न हिडेर १ घण्टा ३० मिनेट पुगिन्थ्यो भने, यातायातमा ११ किमि घुमेर पुग्न सकिन्थ्यो । पुल निर्माणले धेरै सहज हुने रानाले बताए । सस्पेन्सन बृज डिभिजन कार्यालयका अनुसार पुल निर्माणले अर्खा र रजवाराका १ हजार पाँच सय जना लाभान्वित हुनेछन् । पुलको निर्माण सम्पन्न हुँदा गाउँका सर्वसाधारणलाई आवत जावत गर्न सहज हुने र पर्यटन प्रबद्र्धनमा समेत टेवा पुग्ने स्थानीयको आशा गरेका छन् ।