खोज

बुटवल ।

वामी विश्व सम्पर्क मन्चको आयोजनामा चौथो नौमती सांस्कृतिक महोत्सव तथा २ दिने वामी मेला कात्तिक ३ र ४ गते मुसिकोट नगरपालिका ७ वामीमा सम्मन्न भएको छ।

लोप हुँदै गएका लोकबाजा तथा लोक संस्कृतिलाई संरक्षण गर्ने र गाउँ घरबाट लोपहुँदै गएका चर्खे पिङ, लिङ्गे पिङ जस्ता मनोरञ्जनका साधन मार्फत दर्शकहरुलाई मनोरञ्जन प्रदान गरिएको वामी विश्व सम्पर्क मन्चका अध्यक्ष बैकुण्ठ रायमाझीले जानकारी दिए ।

संस्कार जागरण समुह वामीटक्सारको भजन, मुसिकोट नगरपालिका ७ पल्टारको हेम्पाई नृत्य, नेवार समुदायको लाखे नाँच, वडागाउँको सरायँ नाच, मालारानीको ठाडो भाका, वामी मैदानको सोरठी नृत्य लगायत अन्य विभिन्न झाँकीहरु प्रस्तुत गरिएको थियो । महोत्सवमा समग्र मुसिकोट नगरपालिका भित्र रहेका विभिन्न समुदायका संस्कृतीहरुको समिश्रण सहित स्थानीय विभिन्न संस्कृतीहरु प्रस्तुत गरिएको थियो ।

महोत्सवमा नौमती बाजा प्रतियोगिता तर्फ १३ समुहले सहभागिता जनाएका थिए । जसमध्ये खड्क कालिका नौमती बाजा समुह प्रथम, गुल्मी मालिका बाजा समुह बुटबल द्वितिय, आँपचौर पञ्चेबाजा समुह मुसिकोट ५ तृतीय भएका छन् भने उत्कृष्ट सहनाई बादक तर्फ आँपचौर पञ्चेबाजा समुहका सुजीन परियार उत्कृष्ट भएका छन् ।

नौमती पञ्चेबाजा नृत्य प्रतियोगिता तर्फ भने साग्दी सत्यवती बाजा समुहका प्रदिप क्षेत्री र संगीता थापा प्रथम, आँपचौर पञ्चेबाजा समुहका श्रीस वि.क र सम्झना परियार द्वितिय एवम् नौमती बाजा समुह बडिगाडका चन्द्र बहादुर भुजेल र देव भुजेल तृतीय भएका छन् ।

मेलामा शङ्खध्वनी वादन प्रतियोगिता सम्पन्न भएको छ । प्रतियोगितामा ११ जना प्रतियोगीले भाग लिएका थिए । शंखध्वनि प्रतियोगितामा मिन दर्लामी प्रथम भएका छन ।