खोज

बुटवल, १ कार्तिक । वर्ड लिकको प्रस्तुतिमा सज्जनराज बैधको एकादेशमा नेपाल टुर बुटवलमा हुने भएको छ । कात्तिक ३ (अक्टोबर १९) मा बुटवल स्थित बुटवल अन्तर्राष्ट्रिय सम्मेलन केन्द्रमा सज्जनराजले साढे ३ घण्टाको एकल प्रस्तुति दिने छन । एमएन, आर्बटेरी ईभेन्स र स्थानिय आयोजक पार्टी ईभेन्टसले सहकार्य हुने कार्यक्रमबारे विहिबार बुटवलमा पत्रकार सम्मेलन गरि तयारी पुरा भएको जानकारी दिए ।
स्थानिय आयोजक उत्कृष्ट ईभेन्टसका म्यानेजङ डाईरेक्टर हिमाल आचार्यले यो टुर सज्जनको पहिलो आधिकारिक नेपाल टुर भएको बताए ।

दुई महिनाभित्र नेपाल टुर सक्ने गरि तयारी भएको उनले बताए । सज्जन राज वैद्य हालका सफल र श्रोताहरुका प्रिय संगीतकर्मीमध्ये एक हुन । ‘हवाइजहाज’, ‘चिट्ठी भित्र’, ‘मायालु’, ‘सस्तो मुटु’ जस्ता उनका गीतहरू नेपाली युवा पुस्तामा अत्यधिक चर्चित छन् । नेपाली संगीतलाई अन्तर्राष्ट्रिय स्तरमा समेत परिचित गराउँदै आएका सज्जनका गीतहरूले उनलाई समकालीन नेपाली संगीतको आइकन बनाइसकेका भन्दै उनले नेपालमा विभिन्न आफ्ना फेनहरुसंग भेट्ने गरि यो महत्वपुर्ण स्टेज शो रहने छ । यो कार्यक्रममा देशभर नै ११ ट्रक र ९८ जनाको लाईट, साउण्ड ईन्जिनियर गरि प्राविधिक टिमसहित अन्तराष्ट्रिय स्तरको लाईभ प्रस्तुति दिने विश्वकै उत्कृष्ट ब्याडहरुको प्रविधि समेत समावेश भएको उनले दाबी गरे । ‘बुटवलमा हुने कार्यक्रममा ९० लाख रुपैया खर्च हुने अनुमान छ ।’—उनले भने ।

यसैगरि एमएन प्रडक्सन नेपालका अक्षय श्रेष्ठले सामाजिक कार्यमा योगदान दिने गरि टिकटको केहि रकम रोट्याक्टको आखा शिविरमा सहयोग गरिने बताए । टिकट दर १५, २ हजार र २५ सय रुपैया ३ प्रकारको रहेको उनले बताए । यसअघि सज्जनको लर्डमा सहभागी भएका थिए । कार्यक्रममा ६ हजार बढि दर्शक आउने अनुमान आयोजकको रहेको छ । दशै अघि चितवनमा भब्य रुपमा कार्यक्रम सम्पन्न भएको एमएन प्रडक्सन नेपालका सुजित लामाले बताए । बुटवलको कार्यक्रम लगतै पोखरा, ईटहरी र काठमाडौंमा समेत हुने उनले बताए ।