खोज

बुटवल, २४ असोज ।
स्वास्थ्य क्षेत्रमा अलग पहिचान बनाउन सफल बुटवल हस्पिटल प्रा.लि.ले हिन्दु नेपालीहरूको ठूलो पर्व दशै अवधीभर पनि पनि आफ्ना सबै स्वास्थ्य सेवा संचालन गर्ने भएको छ । चाडपर्वको वेला अधिकाश स्वास्थ्य संस्थाहरू बन्द हुँदा बिरामीहरूलाई मर्का पर्ने भएकोले अस्पतालले आफ्ना सेवाहरू नियमित रूपमा संचालनमा राख्ने जनाएको हो । बुटवल हस्पिटल प्रा.लि.ले ईर्मेजेन्सी, आईसीयु, एचडियु,जनरल वार्डहरूका साथै अधिकाशं ओपिडी सेवाहरू समेत संचालन गर्ने छ । असोज २४ गतेदेखि २८ गतेसम्म दशैं पर्वको अवसरमा सार्वजनिक विदा हुने गर्दछ । जसका कारण अधिकांश स्वास्थ्य सेवाहरू समेत बन्द हुने गर्दछन् ।

चाडपर्वमा विरामीहरूका लागि स्वास्थ्य संस्थाहरू झन वढि आवश्यक पर्ने देखिएकोले बुटवल हस्पिटल प्रा.लि.ले आफ्ना सबै सेवाहरू संचालन गर्ने अस्पतालका अध्यक्ष चुन्न प्रसाद पौडेलले जानकारी दिए । उनले ओपिडीका लागि पालैपालो डाक्टरहरूले सेवा दिए पनि अन्य विभागहरू नियमित रूपमै संचालन हुने बताए ।
बुटवल हस्पिटलले दशैको वेला अप्रेसन समेत गर्ने गरि चिकित्सक सहितको कर्मचारी व्यवस्थापन गरेको अस्पतालका अस्पतालका निर्देशक डा.कृष्ण खनालले बताए ।

दशै अवधीभर अस्पतालले एमआरआई, सिटी स्क्यान, भिडियो एक्सरे, ल्याव सहितका सबै सेवा नियमित नै संचालन गर्ने भएको छ । त्यसका लागि सबै वातावरण मिलाईएको अस्पतालले जनाएको छ । एक सय वेड संचालन अनुमती पाएको बुटवल हस्पिटलले केही समय अघि मात्र अत्याधुनिक भवन, उपकरण सहितको नयाँ व्यवस्थापनमा उपचार सेवा बुटवल ६ चाँदवारीबाट शुरु गरेको छ । २४ वर्षदेखि बुटवलको हस्पिटललाईनबाट सेवा संचालन गरेको बुटवल प्रा.लि.४ महिना अघि आफ्नै भवनबाट संचालनमा आएको हो । जहाँ ३६ जना विशेषज्ञ चिकित्सक सहित करिव २ सय स्वास्थ्यकर्मी तथा अन्य कर्मचारीहरू रहेका छन् ।