खोज

नवलपरासी, १३ कातिक ।

लोकतान्त्रिक बाम गठबन्धनका उम्मेद्वारले अगामी दिनमा आफुहरुको भूमिका लुम्बिनी सरह रामग्राम स्तुपलाई विश्वसम्पदामा सूचीकृत गराई विकासका लागि छुट्टै विकास समिति बनाउन पहल गरिने बताएका छन् । परासीमा पत्रकार सम्मेलन गरी नवलपरासी प्रतिनिधि सभा क्षेत्र नं.२ र सोही क्षेत्र भित्र रहेका लुम्बिनी प्रदेशका १ र २ का उम्मेद्वार तथा समानुपातिक तर्फ सूचीमा परेका उम्मेदवारहरुले संयुतm रुपमा रामग्राम स्तुपा तथा अन्य बौद्ध स्थलहरुको विकासका लागि काम गर्ने दाबी गरेका हुन् ।

पत्रकार सम्मेलनमा प्रतिनिधि सभाका उम्मेद्वार तथा पुर्वगृहराज्यमन्त्री समेत रहेका साँसद देवेन्द्रराज कंडेलले लुम्बिनी विकास कोषको भर पर्दा रामग्राम स्तुपा र कोलीय राजधानी पण्डितपुर पछाडि पर्न गएको ठहर गर्दै अगामी दिनमा आफ्नो काम यस क्षेत्रलाई लुम्बिनी जस्तै विकास गर्न लुम्बिनी विकास समिति बनाउने बताएका थिए । यसका लागि बाम लोकतान्त्रिक गठबन्धनको सरकार आवश्यक रहेको र त्यसका लागि नवलपरासीका जनताले बाम लोकतान्त्रिकका उमेदवारलाई पुनः निर्वाचित गर्ने विश्वास उनले ब्यक्त गरेका थिए । त्यसैगरी नवलपरासीका युवाहरुको रोजगारीका लागि जिल्ला भित्रैका उद्योगहरुमा सम्भावनाको खोजी गरी स्थानीयस्तरमै रोजगारीको ब्यवस्थापन गर्ने दाबी गरे । ‘अहिलेसम्म राजनीतिक ब्यवस्थाको ब्यवस्थापन गर्ने चरण थियो’, उनले भने,‘अबका दिन सन्तुलित विकास र रोजगारी प्रमुख मुद्दा हुने छ ।’

त्यसैगरी लुम्बिनी प्रदेश सभा सदस्य र हाल पुनः सोही पदका उमेदवार बैजनाथ कलवारले लुम्बिनी, पण्डितपुर लगायत अन्य बौद्ध स्थलको खोज भएका स्थान जोडेर पर्यटन कोरिडोर बनाईने बताएका थिए । उनले महेशपुर देखि महलपोखरी हँुदै पाल्पा जोड्ने मार्गलाई प्राथमिकतामा राखेर आउँदो दिनमा काम गर्ने दाबी गरेका थिए । त्यसैगरी लुम्बिनी प्रदेश सभा सदस्यकै उम्मेदवार तथा सविधान सभा सदस्य चिनक कुर्मीले यस क्षेत्रको सन्तुलित विकासका लागि बाम लोकतान्त्रिक गठबन्धनको आवश्यकता औल्याएका थिए । उनले शिक्षा, स्वास्थ्य र रोजगारी प्रमुख समस्या रहेको हँुदा यसलाई निराकरण गर्नका लागि बाम लोकतान्त्रिक सरकारको आवश्यकता रहेको बताए ।

अहिले जनताले बाम लोकतान्त्रिकलाई नै विकल्पको रुपमा देखेका कारण जनताको आशा र भरोसा अनुरुप नै काम गर्ने प्रतिवद्धता दोह¥याउँदै उनले गठबन्धनका उमेदवारलाई मतदान गर्न आग्रह समेत गरेका थिए । समानुपातिक उम्मेदवार नेपाली काँग्रेसका नेता राधेश्याम पाठकले केपी ओलीको गठबन्धन प्रतिगमनकारीको गठबन्धन भएको संज्ञा दिदै जनताको बलिदानीको पक्षधर बाम लोकतान्त्रिक गठबन्धन भएकोले यसको पक्षमा जनताले मतदान गर्ने दाबी गरेका थिए ।

नवलपरासी प्रतिनिधिसभा क्षेत्र नं.२ मा तीनवटा गठबन्धन प्रतिस्पर्धामा छन् । जस्मा सत्तारुढ गठबन्धनमा नेपाली काँग्रेसको तर्फबाट प्रतिनिधिसभामा कण्डेल, लुम्बिनी प्रदेशसभा क्षेत्र (२)ं मा प्रदेश साँसद कलवार र लुम्बिनी प्रदेश सभा (१) मा माओवादी केन्द्रको चुनाव चिन्ह लिएर नेपाल समाजवादी पार्टी (डा.बाबुराम भट्टराई पक्षधर) का संविधान सभा सदस्य कुर्मी छन् । त्यसैगरी नेकपा एमाले र जनता समाजवादी पार्टीैको गठबन्धनको तर्फबाट प्रतिनिधि सभा सदस्यमा नेकपा एमालेका जिल्ला अध्यक्ष समेत रहेका दिपेन्द्र कुमार अधिकारी छन् । प्रदेश सभा (१) मा एमालेकै नेता थान प्रसाद गैरे छन् भने प्रदेशसभा (२) मा जसपाका जिल्ला अध्यक्ष धरेन्द्र यादव उम्मेदवार छन् । त्यसैगरी राप्रपा र लोपसाको गठबन्धनको तर्फबाट प्रतिनिधिसभा सदस्यमा पुर्व आईजिपी ध्र्रुव बहादुर प्रधान छन् भने प्रदेश सभा (१) र (२) मा क्रमशः पञ्चराम चौधरी र नगेन्द्र अग्रहरी छन् । यस क्षेत्रमा त्रिकोणात्मक गठबन्धनहरुको प्रतिस्पर्धा रहेको छ ।