खोज

बुटवल, २० असोज । नेपाल औषधि व्यवसायी संघ, जिल्ला शाखा रुपन्देहीले विजयादशमी, शुभ दीपावली, छठ तथा नेपाल सम्बत ११४५ को शुभ अवसर पारेर सरोकारवालाहरुसंग शुभकामना आदानप्रदान तथा सम्बन्ध विस्तार कार्यक्रम सम्पन्न गरेको छ । कार्यक्रमको नेपाल औषधी ब्यवसायी महासंघका केन्द्रिय वरिष्ठ उपाध्यक्ष राम प्रसाद खरेलले उद्घाटन गर्दै स्वास्थ्य क्षेत्रका सरोकारवालाहरूबीच सहकार्य र सम्बन्ध विस्तारको लागि एक महत्वपूर्ण प्रयास भएको बताए । स्वस्थ्य पेशा संवेदनशिल पेशा भएको भन्दै सरोकारवालाहरु आफनो भुमिका र कर्तब्यलाई राम्ररी बुझनुपर्ने उनले सुझाव दिए । स्थानीय औषधि व्यवसायी र स्वास्थ्य सेवामा आबद्ध विभिन्न पक्षहरूबीच समन्वय र सहयोगको वातावरण सिर्जना गर्न यस्ता कार्यक्रमबाट मद्दत मिल्ने उनले बताए ।

कार्यक्रममा संघ जिल्ला शाखा रुपन्देहीका अध्यक्ष खड्ग बहादुर बस्नेतले संस्थाबाट पर्वका रुपमा शुभकामना आदानप्रदानसंगै सम्बन्ध बिस्तारको कार्यक्रम गर्दै आएको बताए । भावनात्मक रुपमा सरोकारवालाहरुलाई एकठाउ ल्याउन र सम्बन्ध बिस्तारमा कार्यक्रमबाट सहयोग मिल्ने आशा ब्यक्त गरे ।

कार्यक्रममा लुम्बिनी प्रादेशिक अस्पतालका अध्यक्ष अजयमान श्रेष्ठ, लुम्बिनी प्रादेशिक अस्पतालका मेडिकल सुपरिटेन्डेन्ट डा. इन्द्र ढकाल, संघका पूर्व केन्द्रिय अध्यक्ष बाबुराम भट्टराई, रुपन्देही जिल्ला संस्थापक अध्यक्ष सुरज भट्टराई, नेपाल औषधी ब्यवसायी संघ लुम्बिनी प्रदेशका अध्यक्ष लुकराज न्यौपाने, सिद्धार्थ बाल तथा महिला अस्पतालका मेसु डा. विनोद पराजुली, नेपाल चिकित्सक संघका अध्यक्ष डा.कृष्ण खरेल, बुटवल उपमहानगरपालिकाका स्वास्थ्य महाशाखा प्रमुख युवराज पाण्डे, नेपाल पत्रकार महासंघका उपाध्यक्ष विश्वास ढकाल, महासचिव कृष्ण प्रसाद शर्मा पोखरेलले पछिल्लोसमय स्वास्थ्य क्षेत्रमा देखिएका विकृति हटाउदै यसमा देखिएका समस्या समाधानमा पहल गर्नुपर्ने बताए ।

कार्यक्रमको संयोजन शाखाका सचिव कपिल ज्ञवालीले छोटोसमयको तयारीमा कार्यक्रम निक्कै महत्वपूर्ण र सफल भएको बताए । आगामी दिनमा समेत यस्ता कार्यक्रमलाई थप रचनात्मक बनाउनेतर्फ पहल गर्ने समेत बताए ।