© २०२३
६ मंसिर २०८१, बिहीबार
६ मंसिर २०८१, बिहीबार
बुटवल, ७ असोज । रुपन्देहीमा जारी ३६ औ झरना रनिङशिल्ड फुटबल प्रतियोगितामा जनज्योती युवा क्लब विजयी भएको छ । स्वर्गिय खगी गुरुङसेनीको पुण्य स्मृतिमा कुन्जलापुरस्थित फुटबल मैदानमा सोमबार भएको खेलमा वालिङ युनाईटेड एफसीलाई २–१ गोल अन्तरले पराजित गर्दै जेजेएफसी अन्तिम आठमा स्थान बनाएको हो ।
खेलको शुरुवातमा निक्कै प्रतिस्प्रात्मक खेलको पहिलो हाफ गोल रहित बराबरी भयो । दुबैतर्फबाट पाएका धेरै अवसरहरु गोलमा परिणत गर्न सकेन । दोस्रो हाफको खेल शुरु भएको दोस्रो मिनेटमा जनज्योतिले अग्रता लियो । डिबक्सभित्र वालिङका रुपेश हमालले जेजेएफसीका खेलाडी लडाएपछि पाएको पेनाल्टीलाई जेजेएफसीका सन्दिप बिष्टले जाली चुमाए । तर यो अग्रता धेरै बेर टिकेन । वालिङका निश्चया थापाले खेलको ४८ औ मिनेटमा बराबरी गोल गरे । जेजेएफसीका चन्दन दासले ६५ औ मिनेटमा विजयी गोल गरे । खेलमा जेजेएफसीका जन्मजय धामी म्यान अफ दी म्याचबाट पुरस्कृत भए । उनलाई क्लबका सल्लाहकार छत्र बहादुर दलार्मीले पुरस्कार वितरण गरे । प्रतियोगिताको मंगलबार देवदह ब्यायज र आयोजक झरना स्पोर्टस क्लबका बिचमा हुने खेल संयोजक बिजय पुनले बताए ।
© २०२३
सर्वाधिकार सुरक्षित
Design & Developed By:
