खोज

बुटवल, ३१ भदौ । रुपन्देहीमा प्रतिष्ठित झरना रनिङ शिल्ड फुटबल प्रतियोगिताको ३६ औ संस्करण असोज २ गतेबाट हुने भएको छ । सोमबार पत्रकार सम्मेलन गरि प्रतियोगिताको तयारी पुरा भएको आयोजक झरना स्पोर्टस क्लबका अध्यक्ष धनेन्द्र पौडेलले बताए ।
यसपटक स्वर्गिय खगी गुरुङसेनीको पुण्य स्मृतिमा प्रतियोगिता हुने उनले बताए । फुटबललाई माया गर्ने धेरै खेलप्रेमीहरुकै कारण यो उर्वरभुमिका रुपमा परिचित रहेको उनले बताए ।

तिलोत्तमा नगरपालिकाको कुन्जलापुरस्थित उमा आधारभुत विद्यालयको खेल मैदानमा हुने प्रतियोगितामा यसपटक दर्शकको सुविधालाई विशेष ध्यानमा राखेर स्थाई प्याराफिट निमार्ण गरिएको उनले बताए । ‘निक्कै छोटो तयारीका बिच यसपटक १८ लाख रुपैया लागतमा उत्तरतर्फ आकर्षक स्थाई प्याराफिट तयार भएको छ ।’—उनले भने । बर्सेनि शिक्षा, स्वस्थ्यको क्षेत्रमा समेत योगदान दिदै आएको उनले बताए । यसवर्ष जिल्लाभित्रका उत्कृष्ट १३ टिमसहित ३ बाहिरी टिमले प्रतिस्प्रर्धा गर्ने उनले बताए ।

यसैबिच क्लबको अध्यक्ष धनेन्द्र पौडेल, क्लबका पूर्व अध्यक्ष लोक पुन, खेलकुद पत्रकार मंचका अध्यक्ष सुमन अधिकारी, खेल संयोजक बिजय पुन, सचिव मोहनसिह राना, नेपाल पत्रकार महासंघका उपाध्यक्ष विश्वास ढकालले पत्रकार सम्मेलनमा नया डिजाईन गरिएको रनिङशिल्डलाई सामुहिक रुपमा सार्वजनिक गरेका छन ।

कार्यक्रममा खेलकुद पत्रकार मंचका अध्यक्ष सुमन अधिकारीले रुपन्देहीकै गौरवको रुपमा यो प्रतियोगिता भएको बताए । खेल प्रतियोगितासंगै खेलाडी उत्पादनमा समेत यस क्षेत्रका फुटबल क्लबहरु लाग्न समेत उनले सुझाव दिए ।

कार्यक्रममा खेल संयोजक बिजय पुनले प्रतियोगिताको उपाधि विजेताले नगद ३ लाख ३१ हजार रुपैया, आर्कषण रनिङशिल्ड, प्रमाणपत्र र मेडलबाट पुरस्कृत गरिने बताए । यसैगरि उपविजेता टिमले १ लाख ८१ हजार रुपैया, कप तथा सेमिफाईनलमा पुग्ने दुई टिमलाई जनही नगद २५ हजार रुपैयाका साथै प्रत्येक खेलमा म्यान अफ दि म्याचलाई ३ हजार ट्रफि, प्रमाणपत्रबाट पुरस्कृत गरिने उनले बताए । विधागत रुपमा उत्कृष्ट खेलाडीहरुलाई १० हजार र सर्वोत्कृष्ट खेलाडीलाइ १५ हजार रुपैयाबाट पुरस्कृत गरिने उनले बताए । प्रतियोगिता सम्पन्न गर्न २२ लाख खर्च हुने अनुमान रहेको उनले बताए ।

प्रतियोगितामा आयोजक झरना स्पोर्ट्स क्लब, सम्पुर्ण युवा क्लब, लिस्नु युवा क्लब, नवयुवा खेलकुद तथा सास्कृतिक परिवार, न्यु सिर्जना युवा क्लब, गोर्खा ब्यायज क्लब, जनज्योति एफसि, देवदह ब्यायज, फुलबारि गाईज, योग स्टार एफसी, कपिलबस्तु —११, भैरव एफसी, बालिङ युनाईटेड, फर्साटिकर युवा क्लब, सुनौलो संगम युवा क्लब, भुपु सैनिक युवा क्लब गरि १६ टिमले प्रतिस्पर्धा गर्ने उनले बताए । प्रतियोगितामा गतवर्ष भुपुसैनिक युवा क्लब विजेता रहेको थियो ।

क्लबका पूर्व अध्यक्ष लोक पुनले ब्लड क्यान्सरको उपचार गरिरहेका युवा खेलाडी अंकितलाई सहयोग गर्ने समेत बताए । सवारी पार्किङबाट उठेको शुल्क ‘अंकत बचाउ अभियान’ मा लगाईने हुदा यसमा सबै अतिथिहरुबाट सहयोग गर्न समेत उनले आग्रह बताए ।