खोज

भैरहवा, साउन २७ । मम्मी डान्स आइडल सिजन थ्रि को उपाधि मनिषा शर्माले हात पारेकी छन । हेभेन्ली गार्डेन किड्स क्याम्पस प्रा।लि भैरहवाद्वारा आयोजित मम्मी डान्स आइडल सिजन थ्रि को फाइनलमा १७ जना प्रतियोगीहरुलाई पछि पार्दै उनी प्रथम भएकी हुन् । उनलाई २० हजार नगद, प्रमाणपत्र र वाटर डिस्पेंसर सहित थुप्रै गिफ्ट ह्याम्पर पनि प्रदान गरिएको थियो ।

मंगलापुरकी मनिषा शर्मालाई सबै दर्शकरुको मायाले उनले जित हात पार्न सफल भएकी हुन । उनको जितले सबैलाई निकै भाबुक बनाएको थियो । आमाहरुको सपना र एक गृहणी भएर पनि यसरी आफ्नो सपना पुरा गर्ने उर्जा लिएर आएकी सर्माको जित सबैमा प्रेरणाको श्रोत बन्न पुग्यो ।

यसैगरी उपबिजेता भैरहवा कि आभा मल्ल भएकी हुन । उनले १५ हजार नगद सहित प्रमाणपत्र र गिफ्टह्याम्पर प्रदान गरिएको थिायो । यसैगरी तेस्रो स्थानमा बुटवलकी दुर्गा राना रहेकी छन । उनले १० हजार नगद सहित प्रमाणपत्र र गिफ्ट ह्याम्पर प्राप्त गरेकी हुन् । दर्शकको राजाईमा भने मंगलापुर सेमराकी रेनु गुरुङलाई ५ हजार नगदसहित प्रमाणपत्र र गिफ्ट ह्याम्पर दिइएको थियो ।

भारतको सिल्लिगुडीबाट बरिष्ठ नृत्याङगना पन्नु गजमेर, पूर्व मिसनेपाल सुगारिका केसी र कोरियोग्राफर मुकेश गुरुङ जजमेन्टमा उनिहरुलाई प्रथम दोश्रो र तेश्रो को स्थान दिइएको थियो । कार्यक्रमको संचालन दुर्गा गुरुङले गरेकी थिईन । फाइनलमा रुपन्देही, कपिलबस्तु, चितवन लगायतका जिल्लासहित विभिन्न शहरका प्रतियोगीहरुले प्रतिस्प्रर्धा गरेका थिए ।

कार्यक्रममा प्रमुख जिल्ला अधिकारी गणेश अर्याल, हेभेन्ली गार्डेन किड्स क्याम्पस प्रा।लि भैरहवाका प्राचार्य तथा आयोजक रचना क्षेत्रीले विजेताहरुलाई पुरस्कार वितरण गरेका थिए ।