खोज

बुटवल, २६ साउन । रुपन्देहीमा रक्तदान अभियान चलाउदै आएको नेपाल स्वयंसेवी रक्तदाता समाज रुपन्देहीको १३७ औ नियमित रक्तदान कार्यक्रम सम्पन्न भएको छ । पाठक कृषि फर्मको सौजन्य तथा ढाकावाङ–रुपन्देही सम्पर्क समाजको सहकार्यमा नेपाल रेडक्रस सोसाइटी, रक्तसंचार सेवा केन्द्र बुटवलमा शनिबार साउनको अन्तिम सोमबार कार्यक्रम सम्पन्न भएको हो ।

कार्यक्रमको एक समारोहका बिच नेपाल चिकित्सक संघ लुम्बिनी अंचलका अध्यक्ष डा कृष्ण खरेलले जन्मदिन परेका रक्तदाता कृष्ण प्रसाद नेपाललाई ब्लड ब्याग हस्तान्तरण गरि उद्घाटन गर्दै उद्घाटन गरे । कार्यक्रममा डा खरेलले रगत अभाव के हो भन्ने आफुलाई राम्रो अनुभव गरेको बताए । ‘मेरो परिवारमा परेको पिडाले मलाई अहिले पनि झकझकाउछ ।’— उनले भने । काठमाण्डौमा उपचारका क्रममा बुबालाई एक जना विदेशी रक्तदाताको सहयोगमा उपचार गरेको उनले स्मरण गरे । यही कुराको प्रेरणा मिलेर आफु अध्ययनको क्रममा बंगलादेशमा रेयर ब्लड ग्रुप समूह गठन गरेर रक्तदान गरेको उनले बताए । रगतको आयु ९० दिन हुने हुदा पनि एउटा स्वास्थ्य मानिसले यो अवधिमा रगत दिन सक्ने भन्दै उनले पछिल्लोसमय चिकित्सक पेशामा सुरक्षाभन्दा पनि सुपर सुरक्षाको अप्नाउनुपर्ने स्थिती आएको दुखेसो गरे ।

कार्यक्रममा समाजका अध्यक्ष कृष्ण चौहान क्षेत्रीले ११ वर्ष ५ महिनादेखि निरन्तर शनिबार रक्तदान अभियान चलाएको बताए । रुपन्देहीमा रक्तदाताहरुको संख्या थपिदै जादा रक्तदानको अभाव समेत थपिदै गएको बताए । रगतको खपत बढ्दा माग बढेको छ । यसलाई कम गर्न सरोकारवाला निकायबाट ब्यवस्थापन हुन जरुरी रहेको उनले बताए । पछिल्लोसमय उच्च रक्तचाप र मधुमेहको बिरामीहरु समेत रक्तदान गर्न मिल्ने वरिष्ठ चिकित्सकहरुको भनाई बाहिरिदा ब्लड ब्यवस्थापनमा लागेको ब्लड बैक भने यो स्वीकार नगर्दा समस्या देखिएको उनले बताए । विद्यालय स्तरका समूह अन्य क्षेत्रमा लागेपनि रक्तदानमा नआउने गरेको उनले दुखेसो गरे । दैनिक १२० युनिट माग हुँदै आएको उनले बताए । रक्तदान गर्दा निरोगी रहेको प्रमाणपत्र समेत हुने उनले बताए ।

कार्यक्रममा मानव अधिकार तथा शान्ति समाज रुपन्देही शाखाका सभापति कृष्ण प्रसाद भट्टराईले रक्तदान बढ्दा पनि रगतको अभाव देखिनु गम्भीर अवस्था सृजना भएको भन्दै यसको छिटो बिकल्प खोजिनुपर्ने सुझाव दिए ।

कार्यक्रममा ढाकावाङ–रुपन्देही सम्पर्क समाजका अध्यक्ष कृष्ण प्रसाद खनाल, संयोजक जानकी नेपाल, सचिव अर्जुन पौडेलले समाजमा अझै पनि रक्तदानको महत्व बुझाउने गरि अभियान चलाउनुपर्ने अवस्था देखिएको बताए । कार्यक्रममा समाजको आजिवन सदस्यता लिएका नया सदस्यहरुलाई सम्मानपत्रबाट सम्मान गरिएको थियो ।