खोज

लमही, २४ साउन ।
दाङको राजपुर –७ जेलवाङखोलाकी एक महिलाको उपचारमा ढिलो हुँदा मृत्यु भएको छ । ३२ बर्षीया दिलाशा बुढाको उपचारमा ढिलो हुँदा नेपालगन्ज स्थित मेडिकल कलेजमा मंगलवार बेलुका ४ बजे मृत्यु भएको प्रहरीले जनाएको छ ।
बुढालाई सामान्य ज्वरो आएपछि उपचारका लागि भारतको बाटो हुँदै नेपालगन्ज मेडिकल कलेज लगिएको आफन्तले जनाएका छन । नाका क्षेत्रको बाटो बिग्रेका कारण जिल्ला सदरमुकामको अस्पताल ल्याउन सम्भावना नहुँदा भारतको बाटो हुँदै नेपालगन्जमा पुराइएको थियो ।
उनको उपचारमा ढिला हुदा मृत्युु भएको नेपालगन्ज मेडिकल कलेजका डा जय केसीले बताए । मृतक बुढालाई मलेरिया देखिएको र उपचारमा ढिलो हुदा मृत्यु नेपालगन्ज मेडिकल कलेजमै मृत्यु भएको जिल्ला प्रशासन कार्यालय दाङका जिल्ला प्रमुख रामबन्धु सुबेदीले बताए ।

गत सनिवार दिलशराकी बहिनी कृष्णा बुढा को मृत्यु भएको थियो । बुढालाई सामान्य ज्वरो आए लगत्तै शनिवार बिहान उपचारका लागि नेपालसँग जोडिएको भारतको बजारमा रहेको सिरसिरिया अस्पतालको र सामान्य औषधि दिएर घर फर्किएको र बेलुका मृत्यु भएको मृतकका बुबा मान बहादुर बुढाले बताए । उनी मात्र होइन बर्षायाममा उपचार नपाएर धेरैको अकालमै ज्यान जाने गरेको भैसाही नाका शिक्षक मेघनारायण बुढाले बताए । नाकामा नेपाल तिरको बाटो सुचारु नहुँदा बर्षायाममा खाद्यान्न र औषधिको चरम अभाव भएको स्थानीयले गुनासो गर्दै आएका छन । वर्षाको समयमा बाटो अवरुद्ध हुँदा औषधि उपचारको अभावमा सयौं नाकाबासीको अकालमा मृत्युुवरण हुने अवस्थाको अन्त्यका लागी सरोकारवालाले पहल गरीदिन स्थानीयले माग गरेका छन । अन्य रोगसँगै बर्षायाममा सर्पको टोकाइका कारण उपचार नहुँदा ज्यान जाने गरेको राजपुर गाउँपालिका उपाध्यक्ष धनपती यादबले बताइन् ।
उनले राजपुरका सबै नाकाहरूमा सडक संजाल बिस्तारको लागि प्रयास भएपनि प्रदेश सरकारको सहयोग बिना पालिकाको एक्लो प्रयास सफल नभएको बताइन् । तर पनि हिउँदमा धेरै नाकाहरूमा सडक सुचारु हुने बताइन् ।