© २०२३
६ मंसिर २०८१, बिहीबार
६ मंसिर २०८१, बिहीबार
सुर्खेत, १९ साउन ।
कर्णालीका मुख्यमन्त्री यमलाल कँडेलले दोस्रो पटक विश्वासको मत लिने भएका छन् । मुख्यमन्त्री कँडेलले आगामी सोमबार विश्वासको मत लिन लागेका हुन् । त्यसका लागि उनले प्रदेशसभा सचिवालयमा पत्र दर्ता गराइसकेको प्रदेशसभा सचिवालयले जनाएको छ । कँडेलले आजपत्रदर्ता गराएको प्रदेश सभा सचिवालयका सचिव जिवराज बुढाथोकीले जानकारी दिए ।
कँडेलले संविधानको धारा १८८ को उपधारा (२) बमोजिम विश्वासको मत लिनेछन् । कँडेलले विश्वासको मत लिन लागेको यो दोस्रो पटक हो । पहिलोपटक उनले गत वैशाख १३ गते पहिलो पटक संसद्बाट विश्वासको मत पाएका थिए । केन्द्रमा सत्ता समीकरण बदलिएसँगै कर्णालीका नेकपा माओवादी केन्द्रले समर्थन फिर्ता लिएका कारण उनले दोस्रो पटक विश्वासको मत लिन लागेका हुन् । कँडेलले अब नेपाली कांग्रेसको समर्थनमा सरकार पुनर्गठन गर्ने तयारी गरेका छन् । जसका लागि काँग्रेसले चार जना मन्त्रीहरुको नाम मुख्यमन्त्री कँडेललाई बुझाइसकेको छ ।
© २०२३
सर्वाधिकार सुरक्षित
Design & Developed By:
