खोज

बुटवल, १९ साउन । बुटवल कोरा २०२४ कार्यक्रमबाट क्यान्सर उपचारमा रहेका पत्रकार तथा साईक्लिष्ट मनोरन्जन शर्मालाई सहयोग गरिएको छ । साईकलमार्फत पर्यावरण संरक्षण र पर्यटन प्रर्वद्धनसंगै सामाजिक कार्यको भावनाका साथ सम्पन्न कार्यक्रमबाट बचत भएको २५ हजार रुपैया पाल्पा घर भई भैरहवा कर्मथलो बनाउनुभएका पत्रकार तथा साईक्लिष्ट मनोरन्जन शर्मालाई उपचारमा सहयोग गरिएको छ ।
एक कार्यक्रम गरि शनिबार बुटवल साईक्लिङ ग्रुपका अध्यक्ष शिव चौधरी, लुम्बिनी प्रदेश साईक्लिङ संघका अध्यक्ष स्वस्तिक श्रेष्ठ, खेलकुद पत्रकार मंचका अध्यक्ष सुमन अधिकारी, रुपन्देही लनटेनिस संघका अध्यक्ष गोपाल ज्ञवालीले कान्तिपुर ग्रुपका लुम्बिनी प्रदेश प्रमुख दीपेन्द्र बडुवालमार्फत सहयोग रकम हस्तान्तर गरेका हुन ।

कार्यक्रममा क्लबका अध्यक्ष शिव चौधरीले साईकलमार्फत सामाजिक कार्यमा भुमिका देखाउन पाउदा खुशी लागेको बताए । विगतको निरन्तरता दिदै कोराबाट सहयोग गर्ने प्रचलनलाई निरन्तरता दिएको उनले बताए ।

कार्यक्रममा लुम्बिनी प्रदेश साईक्लिङ संघका अध्यक्ष स्वस्तिक श्रेष्ठले साईकल केवल मनोरन्जनमात्र नभई साहसिक खेल र पर्यटन प्रवद्र्धनको पाटोमा समेत महत्वपूर्ण रहेको भन्दै यसतर्फ सरकारबाट पूर्वाधारको काम अघि बढाउन सुझाव दिए ।

कार्यक्रममा बुटवल युनाईटेड साईक्लिङ क्लबका सचिव राजु तिवारीले पर्यटनको हबका रुपमा रहेको लुम्बिनीमा साईकल अभियानबाट पर्यटन उकास्दै आर्थिक लाभ लिन सकिने सम्भावना रहेको बताए । सामाजिक कार्यमा सधै अग्रसर रहेको साईकल कार्यक्रमबाट यसअघि एक जना मृगौला ट्रान्सप्लान्ट गरेकी भैरहवाका आयुषा पाण्डेलाई नगद ४६ हजार रुपैया, नेपालगंज शाखामार्फत १० हजार रुपैया सहयोग गरेको उनले स्मरण गरे ।

कार्यक्रममा ग्रुपका उपाध्यक्ष चन्द्र कान्त सुवेदीले यस वर्ष साईक्लिष्टहरुको उत्साहपूर्ण सहभागीता रहेको भन्दै कुल आय ३ लाख ४० हजार ५० रुपैया र ब्याय ३ लाख १५ हजार ५० रुपैया भई त्यसबाट बचत २५ हजार रुपैया शर्मालाई सहयोग गरिएको बताए ।
जिटिए साईकल र मणिमुकुन्द कलेजको मुख्य प्रायोजनमा बुटवल साईकल ग्रुपको आयोजना तथा बुटवल युनाईटेड साईक्लिङ क्लब, साईकल सिटि बुटवल, ह्याप्पी साईक्लिङ क्लब, तिनाउ साईक्लिङ क्लबको सहकार्यमा बुटवल कोरा २०२४ सम्पन्न भएको हो ।