© २०२३
८ मंसिर २०८१, शनिबार
८ मंसिर २०८१, शनिबार
नवलपुर, १४ साउन ।
पुर्वी नवलपरासीमा जिल्ला प्रहरी कार्यालयले ७ क्विन्टल गाँजा सहित दुई ब्यक्तिलाई पक्राउ गरेको छ । जिल्लाको देवचुली नगरपालिका २ हमालचोकबाट भारतीय नम्बरको एनएल ०१ ५५४४ नम्बरको कन्टेनरमा फल्स बटम बनाएर राखिएको अवस्थामा गांजा बरामद भएको हो । जिल्ला प्रहरी कार्यालय पुर्वी नवलपरासीका प्रहरी उपरिक्षक नरहरि रेग्मीले २४ वटा बोरामा प्याकिङ्ग गरेर राखीएको ७ सय २० किलो गाजां बरामद गरेको बताए ।
गाँजा सहित सोही कन्टेनर चालक राप्ती नगरपालिका २ का २३ वर्षीय मदन लामा र ३२ वर्षका सन्तोष लामा रहेका छन् । गाँजा बोकेर हिडेको कन्टेनरलाई पछ्याउँदै मध्यविन्दु नगरपालिकाको चोरमाराबाट रजहर सम्म पक्राउ परेका ब्यक्तिहरुले कन्टेनर लगेर राखेको प्रहरीले जनाएको छ । गाँजा कहाबाट कसरी आयो र यसमा संलग्न व्यक्तिहरुको बारेमा प्रहरीले अनुसन्धान गरिरहेको छ । ठुलो मात्रामा लागुऔषध फेला परेपछि यसमा ठुलै गिरोहका संलग्नता हुन सक्ने प्रहरीको अनुमान छ । पक्राउ परेका व्यक्तिलाई तीन दिनको म्याद थप गरेर अनुसन्धान भैरहेको प्रहरी उपरीक्षक नरहरि रेग्मीले जानकारी दिए ।
© २०२३
सर्वाधिकार सुरक्षित
Design & Developed By:
