दाङमा श्रीमानले गरे फलामको रड प्रहार गरी श्रीमतीको हत्या

बुटवल टुडे

१४ श्रावण २०८१, सोमबार

दाङ,१४ साउन।

दाङमा श्रीमानले फलामको रड प्रहार गरी श्रीमतीको हत्या गरेका छन् । राजपुर गाउँपालिका–१ रसरी खोला निवासी ३८ वर्षीय गणेश घर्तीले फलामको रड प्रहार गरी ३७ वर्षीया श्रीमती वसन्ती घर्तीको हत्या गरेका हुन् ।

श्रीमतीको हत्या गरेको अभियोगमा प्रहरीले गणेशलाई घटनास्थलबाट नियन्त्रणमा लिएको इलाका प्रहरी कार्यालय गढवाकी प्रहरी निरीक्षक कालिका कार्कीले जानकारी दिइन् ।

आइतबार राती खाना खाएर दुबै जना कोठामा सुत्न गएका थिए । तर बिहान अबेरसम्म घरको ढोका नखुलेपछि स्थानीयले प्रहरीलाई खबर गरेका थिए ।

प्रहरीले घरको ढोका खोलेर हेर्दा फलामको रडले टाउकोमा प्रहार गरी श्रीमती हत्या गरेको अवस्थामा सोही कोठाबाट गणेशलाई रडसहित प्रहरीले नियन्त्रणमा लिएको हो ।

मदिरा सेवन गरेर श्रीमान–श्रीमतीको बिचमा यस अघि पनि झगडा हुने गरेको स्थानीयको भनाइ छ । प्रहरीले घटनाबारे थप अनुसन्धान गरिरहेको इलाका प्रहरी कार्यालय गढवाकी प्रहरी निरीक्षक कार्कीले जानकारी दिइन ।

यो खबर पढेर तपाईलाई कस्तो महसुस भयो ?

यो वेबसाइट बुटवल टुडे राष्ट्रिय दैनिकको आधिकारिक न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ । साबिक न्युज बुटवल टुडे डटकमबाट बुटवल टुडे डटकममा परिणत भएको छ।

सूचना विभाग दर्ता नं.: ४६५६

प्रेस काउन्सिल दर्ता नं. १२६७

फोन: ०७१-५५४६४०, ५५४६४२

इमेल: ebutwaltoday@gmail.com

ठेगाना: बुटवल–६, रुपन्देही