खोज

चन्द्राैटा(कपिलवस्तु), १८ असार ।

शिवराज नगरपालिकाका मेयर अजय थापाले आधुनिक यगमा प्राविधिक शिक्षा अत्यन्तै आवश्यक रहकाे बताएका छन् । कपिलवस्तु शिवराज नगरपालिका वडा नम्बर ४ वडा कार्यालयकाे आयाेजनामा तीन महिने आधारभूत कम्प्युटर तालिमकाे समापन कार्यक्रमलाई सम्बाेध गर्दै उनले यस्ताे बताएका हुन् ।

गरिब विपन्न परिवारका विद्यार्थीहरुले सीपमूलक तालिम लिन पाउनु सराहनीय रहेकाे मेयर थापमले बताए । उनले भने : `आजकाे युग प्राविधिक युग हाे, याे शिवराज नगरपालिकाकाे  नि: शुल्क शिक्षाकाे एउटा खुटिकाे हाे । समाज परिवर्तन गर्न ठूलाठूला महल, बाटाेघाटाे मात्र हाेइन शिक्षा र जनचेतनाकाे स्तर वृद्धि गर्नुपर्ने उनले बताए । नगरपालिकाले चाहेकाे असहाय , विपन्न परिवारका बालबालिकालाई शिक्षासँग जाेड्नु खाेजेकाे मेयर थापाकाे भनाई छ ।

क्वालिटि एजुकेशन एण्ड कम्प्युटर एकेडेमीकाे प्राविधिक सहयाेगमा मंगलबार भएकाे समापन कार्यक्रममा बाेल्द‌ै वडा अध्यक्ष नसिम माेहम्मद खाँले आगामी दिनमा जेहेन्दार विद्यार्थीलाई डिपलाेमा कक्षाकाे व्यवस्था गर्ने बताए । प्राविधिक शिक्षा प्राप्त गरेर प्रशिक्षार्थीकाे उज्ज्वल भविष्यकाे कामना गर्दै अध्ययनमा टेवा पुग्ने उनकाे भनाई छ । समाजसेवी तथा युवा नेता आनन्द यादव, एकेडेमीका व्यवस्थापक अरमान खान लगायतले कार्यक्रमलाई सम्बाेधन गरेका थिए ।