खोज

बुटवल, १७ असार ।

रुपन्देहीको बुटवललाई खेलकुद क्षेत्रलाई केन्द्र बनाएर ब्याडमिन्टन र भलिबल खेलाडीको उत्पादन तथा प्रतियोगिता गर्दै आएको लाफा समूह बुटवलको पाँचौ साधरण सभा सम्पन्न भएको छ । कार्यक्रममा बोल्दै बुटवल उपमहानगरपालिका बडा नम्बर ८ का वडा अध्यक्ष यज्ञ प्रसाद पंगेनीले लाफा समूहले खेलकुदका क्षेत्रमा राम्रो काम गरेको बताए ।

समूहले खेलकुद प्रतियोगिता खेलाडी उत्पादनलाई मुख्य ब्यावसायिक बनाएर विभिन्न समयमा ब्याडमिन्टन, भलिबल, फुटसल जस्ता प्रतियोगिता गराउनु सानो मेहनेतले नहुने बताए । लाफाले खेलकुदमा रुचि रहेका उदयमान खेलाडीहरुलाई क्लबको आर्थिक सहयोगमा विभिन्न प्रशिक्षणहरु गराउने ब्यवस्था गर्नु अहिलेको अवस्थामा ठुलो योगदान रहेको बताए ।

वडा अध्यक्ष पङ्गेनीले भने भाडामा जग्गा लिएर काम गर्दा आर्थिक भार थपिएको भन्दै लाफा समूहलाई जग्गाको ब्यवस्थापन गर्न सके खेलाडी उत्पादनमा थप सहयोग पुग्ने बताए । वडा भित्र कतै जग्गा भए आफुले जग्गा दिलाउन भरपुर सहयोग गर्ने उनको भनाई छ । लाफा समूहका अध्यक्ष बबिन थापाले खेलाडी उत्पादन गर्न पटक पटक आर्थिक सहयोग माग्नुपरेको गुनासो गर्दै राज्यले यस्ता खेलकुदमा लागेका क्लबहरुलाई बार्षिक रुपमा रकम दिनु जरुरी रहेको बताए । अहिले समूहले १९ जना खेलाडी क्लबमा अनुवन्ध गरेर राखेको छ ।

उनीहरुलाई खेल्ने सबै सामान निःशुल्क उपलब्ध गराउँदै आएको भन्दै अध्यक्ष थापाले जग्गा भाडामा लिएर खेलकुदका गतिविधि गराउन साह्रै दुःख हुने गरेको बताए । राज्यले जग्गा उपल्ध गराए धेरै भन्दा धेरै खेलाडी उत्पादन गर्न सहयोग पुग्ने उनको भनाई छ । बरिष्ठ उपाध्यक्ष ज्ञानु थापा, सल्लाहकार चक्रबहादुर राना, बडा सदस्य सिता खनाल, प्रेस सल्लाहकार बिश्वास ढकाल, श्रीप्रसाद थापा, टिप राना लगायतले बोल्दै खेलकुद क्षेत्रमा लागेका यस्ता क्लब, सँघसंस्थाहरुलाई राज्यले सहयोग गरे खेदकुदको सँरक्षण र खेलाडी उत्पादनमा सहयोग पुग्न सक्ने बताए । कार्यक्रमको बन्द सत्रमा हाल रहेको लाफा समूहलाई लाफा स्पोर्टस् क्लब बनाउने निर्णय समेत गरेको बरिष्ठ उपाध्यक्ष ज्ञानु थापाले बताए ।