खोज

गुल्मी, १७ असार। असारमहिनाको मध्य भागमा आईपुग्दा गुल्मी जिल्लामा १७ प्रतिशत मात्र धान रोपाइँ भएको छ । गत वर्ष यस अबधिमा नौ प्रतिशत मात्र धान रोपाइँ भएकोमा यस पटक धान रोपाइँको प्रतिशत बढेको हो । जिल्लाभरअसारपन्ध्रसम्ममा १७ प्रतिशत फाँटमा मात्र धान रोपाइँ भएको कृषि ज्ञान केन्द्र गुल्मीका प्रमुख एवं बरिष्ठ कृषि विकास अधिकृत नवराज भण्डारीले जानकारी दिए ।
कृषि ज्ञान केन्द्र गुल्मीका अनुसारगत वर्षको तुलनामा जिल्लामा यस वर्ष समयमा वर्षा शुरु भएसँगै किसानहरू धान रोपाइँमा व्यस्त हुन थालेका छन । समयमै धान रोपाइँको लागि आकाशे पानीको भरमा बस्दै आएका किसानहरूका यस पटक समयमै पानी पर्न शुरु गरेपछि सिँचाईको समस्या नपरेको ज्ञान केन्द्रका कार्यालय प्रमुख भण्डारीले बताए ।

गुल्मीको बडिगाढ खोला, चौरासी, छल्दी, निस्ती, पनाहा, सुदि, खैरेनी, खज्र्याङ्ग, शान्तिपुर, मजुवा लगायतका ठाउँहरू धान खेतीकोे लागि उर्वररमुख्य फाँटको रूपमा परिचित छन । गत वर्ष समयमा वर्षा नभएको रपानी नपरेपछि मुलहरू नफुट्दा असारको मध्य समयमा पनि खेतका फाँटहरू सुनसान रउराठ देखिन्थे । तरयो पटक भने त्यस्तो समस्या नरहेको कृषि ज्ञान केन्द्रले बताएको छ ।

किसानहरूले समयमै धानको बिउ राखि सकेका कारण असारको अन्तिम सातासम्म ७५ प्रतिशत फाँटहरूमा धान रोपाइँ सम्पन्न भईसक्ने भण्डारीले जानकारी दिए । गुल्मीमा हाल नौ हजारहेक्टरभन्दा बढी क्षेत्रफलमा धान खेती गरिदैं आएको छ । जस अन्र्तगत चैते धानको क्षेत्रफल करिब तीन सय हेक्टररहेको छ भने बर्खे धानको क्षेत्रफल आठ हजार ६ सय हेक्टररहेको छ ।

जिल्लामा यस वर्ष तीन सय हेक्टरक्षेत्रफलमा चैते धान लगाइएको छ । गत वर्ष तीन सय ११ हेक्टरक्षेत्रफलमा चैते धान रसात हजारनौं सय हेक्टरक्षेत्रफलमा बर्खे धान रोपिएको थियो । गत वर्ष जिल्लामा करिब २३ हजारमेट्रिक टन धान उत्पादन भएको कृषि ज्ञान केन्द्रले जनाएको छ ।
गुल्मीमा कुल १७ हजारमेट्रिक टन चामल उत्पादन हुने गर्दछ । तरजिल्लामा उत्पादित चामलले उपभोक्ताहरूको माग धान्न नसक्दा गत वर्ष सात करोड मुल्य बराबरको चामल बाहिरबाट आयात भएको कृषि ज्ञान केन्द्रका वाली संरक्षण अधिकृत प्रकाश मरासिनीले बताए । पछिल्लो समयमा बसाईसराई, खडेरी, सिँचाइ, वन्यजन्तु आदिका कारण जिल्लामा धान रोपाइँका क्षेत्रहरू दिनानुदिन घट्दै गएका छन ।