खोज

चन्द्रौटा(कपिलवस्तु), १५ असार

डिभिजन वन कार्यालय (गौतमबुद्ध) का प्रमुख वेसिन्द्र राज सुवेदीले भावी सन्ततिका लागि वृक्षारोपण गर्न आवश्यक रहेको बताएका छन् । पछिल्लो समय कटानी र फडानीका क्रम व्यापक बढेपछि वातावरणमा समस्या हुने गरेको बताएका उनले बताए । कपिलवस्तुको बुद्धभूमि नगरपालिका वडा नम्बर –९, रैटहवामा राष्ट्रिय वृक्षारोपण दिवसको अवसर पारेर आयोजित वृक्षरोपण कार्यक्रमलाई सम्बोधन गर्दै उनले यस्तो बताएका हुन् । कञ्चन सामुदायिक वन उपभोक्ता समूहको वन क्षेत्रमा अतिक्रमित १४ हेक्टर क्षेत्रफल फिर्ता लिएको प्रमुख सुवेदीले जनाए ।

जसमध्ये ७ हेक्टरमा वृक्षारोपण भइरहेको बताउँदै टिक, खयर, मसला, सहिगन, सिसौ लगायतको विरुवा रोप्ने कार्यलाई अगाडी बढाइएको उनको भनाई छ । सामुदायिक वन र स्थानीयको चाहाना अनुसार नै सार्वजनिक वन फिर्ता गरी बृक्षारोपणसहित हरियाली वन बनाउन मद्दत पुगेको सुवेदीले जिकिर गरे । स्थानीयलाई रोजगारीको पाटोसँग जोड्न वनले निकै महत्वपूर्ण योगदान पु¥याएको जनाउँदै मानव जीवनको अस्तित्वलाई प्रभावकारी विकास गर्न आग्राह समेत उनले गरे ।

अतिक्रमण भएका वन क्षेत्र यसैगरी सबैतिर फिर्ता गरी वृक्षारोपण गर्नसमेत बताए । “भावी सन्तति र समृद्धिका लागि वृक्षारोपण गरौँ” भन्ने नाराको साथ शुक्रबार सुरुवात गरिएको सव–डिभिजन वन कार्यालय चम्पापुरका प्रमुख प्रेम बहादुर चौधरीले जानकारी दिए ।

डिभिजन वन कार्यालयको आयोजनामा भएको कार्यक्रमलाई कञ्चन सामुदायिक वन उपभोक्ता समूहका अध्यक्ष सिताराम थारु, हरियाली सामुदायिक वन उपभोक्ता समूहकी अध्यक्ष मिना थारु, दिनेश प्रसाद चौधरी लगायतले कार्यक्रमलाई सम्बोधन गरेका थिए । यस बर्ष ६२ हेक्टर क्षेत्रफलमा १ लाख ५ हजार वृक्षारोपण गर्ने योजना रहेको डिभिजन वन कार्यालय (गौतमबुद्ध) चन्द्रौटाका वरिष्ठ वन अधिकृत गणेश कुमार थारुले जनाए । जस मध्ये २० हेक्टर राष्ट्रिय वन फिर्ता गरिएको जनाइएको छ ।

यसैबीच जननेता स्वः मदन भण्डारीको ७३औँ जन्मजयन्तीको अवसरमा वृक्षारोपण गरिएको छ । नेकपा एमाले शिवराज नगर कमिटिको आयोजनामा नगरको रहतावल सामुदायिक वन परिसरमा वृक्षारोपण गरिएको नेकपा एमाले नगर कार्यवाहक अध्यक्ष महादेव पोख्रेलले बताए । अध्यक्ष पोख्रेलले टिक, खयर गरी विभिन्न प्रजातीका ५५० बिरुवाहरु रोपिएको बताए । वृक्षारोपण पछि समय–समयमा बृक्षारोपण गरिएको स्थान र बिरुवाको अनुगमन तथा मलजल गरिने एमाले शिवराज नगर कमिटिले जनाएको छ ।