खोज

बुटवल, १४ असार । होटल तथा रेष्टुरेन्ट ब्यवसायी संघ रुपन्देहीले २६ औ स्थापना दिवसको अवसरमा शुक्रबार तल्लो सिद्घबाबा धाम मन्दिर ब्यवस्थापन समितिको रामापिथेकस पार्क सरसफाई गरेको छ । जिल्लाका पर्यटकिय स्थललाई संरक्षण र पहिचान दिलाउने गरि सरसफाई कार्यक्रम गरिएको संघका अध्यक्ष लेखनाथ भण्डारीले बताए । कोलाहल पूर्ण शहरी क्षेत्रबाट एकैछिन भएपनि शान्त मिल्ने गरि निमार्ण गरिएको ऐतिहासिक धार्मिक पार्कको प्रचारप्रसार र संरक्षण जरुरी रहेको भन्दै यसका लागि सरोकारवाला निकायलाई खबरदारी हुने गरि कार्यक्रम गरिएको बताए ।

कार्यक्रममा संघका वरिष्ठ उपाध्यक्ष माधव खनालले पर्यटकिय स्थलको विकास र संरक्षणमा सरकार उदासिन देखिएको बताए । नीजि क्षेत्रबाट ठुलो लगानी रहेको पर्यटनमा सरकारबाट पूर्वाधार र रमणीय क्षेत्रहरुको विकासका योजना बनाउनुपर्ने सुझाव दिए ।

कार्यक्रममका संयोजक सिता ढकालले होटल ब्यवसायीको ब्यक्तिगत र संस्थागत हकअधिकारसंगै सामाजिक उत्तरदायित्वतर्फमा काम गर्न सफल भएको बताईन । रामापिथेक पार्कको पहिचान गराउने, सबैलाई चिनाउने कार्यक्रमहरु अघि बढाउने लक्ष्य रहेको उनले बताए ।
कार्यक्रममा संघका वरिष्ठ उपाध्यक्ष माधव खनाल, प्रथम उपाध्यक्ष टंक पराजुली, पर्यटन उपाध्यक्ष रोमाकान्त पाण्डे, द्धितिय उपाध्यक्ष प्रेम भटराई, महासचिव अर्जुन थापा, सचिव थम्मन भण्डारीसहितको टिमले पार्कमा सरसफाई गरेका थिए ।