© २०२३
२४ चैत्र २०८१, आईतवार
२४ चैत्र २०८१, आईतवार
दाङ, ३२ जेठ ।
घोराही उपमहानगरपालिकाले कृषि व्यवसायलाई प्रवद्र्धन गर्न किसानहरुलाई विभिन्न कृषि उपकरणहरु प्रदान गरेको छ । चालु आर्थिक बर्षको बजेटबाट व्यावसायिक किसानहरुलाई विभिन्न उपकरणहरु अनुदानमा वितरण गरिएको हो ।
उपमहानगरपालिकाको कृषि तथा पशुपंक्षी व्यवसाय प्रवद्र्धन शाखाले व्यावसायिक कृषि फर्म संचालन गरेका १० जना किसानलाई एक–एक थान घाँस काट्ने विद्युतीय च्यापकटर, ७ जनालाई पम्पसेट, १५ जना किसानलाई मोटर र एक जना किसानलाई कर्न सेलर (मकै फोक्ने मेसिन) वितरण गरिएको हो । घोराही उपमहानगरपालिकाका नगर प्रमुख नरुलाल चौधरी र कृषि तथा पशु शाखा प्रमुख श्रीधर अधिकारी हस्तान्तरण गरेका हुन् ।
नगर प्रमुख चौधरीले पालिकाले वितरण गरेका उपकरणहरुको सदुपयोग गरी आयआर्जनमा बृद्धि ल्याउन अनुरोध गरे । किसानलाई व्यवसायमा निरन्तर काम गर्न सजिलो होस् भनेर कृषि उपकरण बितरण गरिएको बताए । कृषि तथा पशु शाखा प्रमुख अधिकारीले किसानको मागको आधारमा सहायक सामग्री वितरण गरिएको बताए । व्यावसायिक रुपमा कृषि पेसामा लागेका किसानलाई हौसला मिल्ने बताए ।
© २०२३
सर्वाधिकार सुरक्षित
Design & Developed By:
