खोज

बुटवल, २३ जेठ। गोर्खा ब्वायज फण्ड राईजिङ अभियान थालेको छ । रुपन्देही जिल्लामा फुटबल खेल र सामाजिक गतिविधिमा चार दशकदेखि योगदान दिदै आएको गोर्खा ब्वायज स्पोटर्स क्लबले आफ्नै भौतिक पुर्वाधार निर्माण र क्लब ब्यवस्थित गर्ने गरि फण्ड राईजिङको अभियान थालेको हो ।
एक समारोहका बिच अखिल नेपाल फुटबल संघका केन्द्रिय उपाध्यक्ष दिर्घ बहादुर केसीले क्युआर लन्चिङ तथा भेटघाट कार्यक्रमको उद्घाटन गर्दै नया ढंगबाट मोफसलका क्लबहरु अघि बढ्न जरुरी रहेको बताए । क्लब चलाउन संस्थापकहरुको योगदानको स्मरण गर्दै सानासाना सहयोग जुटाएर अहिलेसम्मको अवस्थामा चलाएमान भएको उनले बताए । क्लबलाई अब आर्थिक ब्यवस्थापन र भौतिक विकास गर्ने गरि एउटा महत्वपुर्ण कामलाई अगाडी बढाएको उनले बताए । क्लबको सदस्यता बढाउने, नया नया योजना ल्याएर अब लाग्ने सहि समय आएको उनले बताए । क्लबबाट खेलेका धेरै युवाहरु राष्ट्रिय लिग र प्रतियोगिता खेलेको ईतिहास रहेको उनले बताए ।

यसैबिच क्लबको नया जर्सी लन्च तथा कप्तान अभिषेक हिमाललाई जर्सी हस्तान्तरण गरिएको छ । कार्यक्रममा रुपन्देही जिल्ला फुटबल संघका अध्यक्ष लोक पुनले नेपालको फुटबलमा छुट्टै पहिचान बनाएको क्लबको एकता र क्रियाशिलता महत्वपुर्ण रहेको बताए । क्लब संचालन निक्कै चुनौतीको विषय भएको उनले बताए ।

कार्यक्रममा क्लबका अध्यक्ष बुद्घि बहादुर गुरुङले विसं २०४१ सालमा स्थापना भएको क्लब खेलगतिविधिसंगै खेलाडी उत्पादनमा निरन्तर अगाडी बढेको बताए ।

कार्यक्रममा क्लबका संस्थापक सदस्य मोहन क्षेत्री, प्रकाश क्षेत्री, रुपन्देही लनटेनिस संघका अध्यक्ष गोपाल ज्ञवाली, क्लबका सचिव शंकर मललाह, रोशन श्रेष्ठ, अधिबक्ता शालिकराम बन्जाडेले सबैबाट सहयोग भए काम गर्न सफल हुने बताए ।