© २०२३
६ मंसिर २०८१, बिहीबार
६ मंसिर २०८१, बिहीबार
दाङ,२० जेठ ।
दाङको बंगलाचुलीमा मोटरसाईकल दुर्घटना हुँदा एकजनाको मृत्यु भएको छ भने अर्का एकजना घाईते भएका छन् । बंगलाचुली गाउँपालिकामा वडा नम्बर मैवालेकमा आज विहान साढे नौ बजेको समयमा रा ३ प ५७९१ नम्बरको मोटरसाईकल दुर्घटना हुँदा बंगलाचुली गाउँपालिका वडा नम्वर ४ निवासी ३२ वर्षका खेतुलाल नेपालीको घटनास्थलमै मृत्यु भएको वडा नम्वर ४ का अध्यक्ष डाँसबहादुर डाँगीले जानकारी दिए ।
दुर्घटनामा बंगलाचुली गाउँपालिका वडा नम्वर ३ दाङवाङ निवासी ३८ वर्षिय मोटर साईकल चालक चेतबहादुर डाँगी घाईते भएका छन् । घाईते डाँगीको दायाँ खुट्टामा चोट लागेको छ । घाईते डाँगीलाई ईलाका प्रहरी कार्यालय कमिरेचौरको टोलिले उद्धार गरी राप्ती स्वास्थ्य विज्ञान प्रतिस्ठान घोराही पठाएको वडा अध्यक्ष डाँगीले जानकारी दिए ।
मृतक नेपालीको शवलाई पोस्टमार्टमका लागि राप्ती स्वास्थ्य विज्ञान प्रतिस्ठानमा राखिएको छ । साँगुरो अप्ठेरो बाटोमा मोटरसाईकल अनियन्त्रित भई दुर्घटना भएको प्रहरीले बताएको छ ।।
© २०२३
सर्वाधिकार सुरक्षित
Design & Developed By:
