खोज

बुटवल, १८ जेठ । देविनगरका निश्चल ज्ञवाली न्यु होराईजन बोर्डिङ स्कुलमा कक्षा ७ मा अध्ययन गर्छन । आफनो अध्ययनको समय ब्यवस्थापन गर्दै उनी बेलुका टेनिस खेल्न देविनगर कोर्टमा पुग्छन । बिहान सबेरै उठेर गृहकार्य गर्ने, विद्यालय जाने ब्यस्त दैनिकी रहेको उनी खेलकुदमा जोड दिन्छन । लन टेनिसमा दख्खल भएका उनी अहिले साझको बेला अभ्यास खेल खेल्छन ।

काठमाडौंमा सम्पन्न एशियन टेनिस प्रतियोगितामा यु—१२ उमेर समुहमा सहभागी भएका उनि बंगलादेश, पाकिस्तान र भुटानका खेलाडीसंग खेलको अनुभव बटुलेका छन । यता उमेर समूहकै अन्तर्राष्ट्रिय प्रतियोगिताको अनुभव लिएका सेहनाज हुसैन पनि दैनिक टेनिस अभ्यास गर्छन । लन टेनिस खेल्न समय अभाव भएको बेला अहिले भने रात्रीकालिन खेल खेल्न सकिने गरि पूर्वाधार विकास हँुदा खेलाडीहरू खुशी छन । उनी कक्षा ८ मा अध्ययन गर्छन ।

कक्षा १ मा अध्ययन गर्ने पारी बुटवलका ७ वर्षीय अनमोल श्रेष्ठ पनि आमासँगै मैदान आउँछन । कोर्टमा ¥याकेट बोकेर उनी दैनिक खेल खेल्छन । आफ्नो गृहकार्य सकेर समय ब्यवस्थापन गर्दै उनी खेललाई निरन्तरता दिएका छन । यसमा परिवारको साथ रहेको छ ।
नेपाल सरकारको संघीय बजेटमा अहिले देविनगर टेनिस कोर्टको स्तरोन्नती भएको छ । राष्ट्रिय खेलकुद परिषदबाट १० लाख रूपैयाँ सहयोग र खेलाडीहरूबाट २ लाख जुटाएर बत्ति जडान गरिएको लन टेनिस खेलमैदान मर्मत तथा स्तरोन्नती निर्माण उपभोक्ता समितिका अध्यक्ष गोपाल ज्ञवालीले बताए ।

‘६ वटा पोलमा ४०० वाटका १२ वटा बत्ति जडान गरिएको छ ।’—उनले भने । योसँगै रातिको समयमा पनि खेलाडीहरू मजाले खेल खेल्न मिल्ने वातावरण तयार भएको उनले बताए । खेलाडीहरूको आकर्षण र मागलाई मध्येनजर गरि देविनगर लनटेनिस कोर्टलाई रात्रीकालिन खेल्न मिल्ने गरि बत्ती जडान गरिएको उनी बताउँछन । शुरुवातमा दुई वटा कोर्ट रहेको देविनगरमा अहिले हाल सुविधासम्पन्न २ वटा राष्ट्रियस्तर र २ वटा अभ्यास कोर्ट छ । जहा बिहान र साझ दैनिक खेल खेलिँदै आएको छ ।

पूर्वाधार थप भएसँगै प्रतियोगिता आयोजनामा समेत मद्दत मिल्ने प्रदेश लनटेनिस संघका अध्यक्ष सन्जय प्रकाश श्रेष्ठले बताए । आगामी दिनमा यसलाई थप २ वटा कोर्ट निर्माण गरि ६ वटा बनाउन सके अन्तर्राष्ट्रिय प्रतियोगिता समेत गराउन सकिने सम्भावना रहेको उनि बताउँछन ।
योसंगै बत्ती पनि १२०० वाट थप गरे अन्तर्राष्ट्रियस्तरको प्रतियोगिता खेल्न सकिने उनको तर्क छ । दुई वटा अभ्यास कोर्ट खेलाडीहरू र स्थानीय चन्दादाताको सहयोगमा निर्माण भएको हो । यसैगरि नेपाल सरकारको ८० लाख रूपैया सहयोगमा ४ वर्षअघि अत्याधुनिक कोर्ट निर्माण भएको हो । यसैगरि बुटवल उपमहानगरपालिकाबाट गतवर्ष मर्मतका लागि ६ लाख रूपैयाँ प्राप्त भएको थियो ।