खोज

बुटवल,१३ जेठ । नेपाली कांग्रेसले सहकारी ठगीविरुद्ध आज काठमाडौं उपत्यकामा विरोध प्रदर्शन गर्दैछ । दिउँसो १ बजे प्रदर्शनी मार्गमा आमसभा गर्दैछ ।

बुधबार बसेको केन्द्रीय समिति र संसदीय दलको संयुक्त बैठकले सहकारी पीडितको रकम फिर्ता, संसदीय छानबिन समितिको माग, गृहमन्त्री रवि लामिछानेको अभिव्यक्ति लगायतका मुद्दा बनाएर सडक प्रदर्शन गर्ने निर्णय गरेको थियो ।
आइतबार गर्ने विरोध प्रदर्शनको क्षेत्रगत तयारीका लागि उपत्यकाका १५ क्षेत्रमा १५ नेतालाई प्रतिनिधि खटाएको छ ।
काठमाडौंका १० क्षेत्रअनुसार क्रमशस् उमेशज‌ंग रायमाझी, सीता थपलिया ‘उर्मिला’, रंगमति शाही, कुन्दन काफ्ले, नैनसिंह महर, गुरु बराल, आङ्गेलु शेर्पा, अब्दुल सतार, डा डिला संग्रौला र प्रकाश स्नेहीलाई तोकिएको छ ।
ललितपुरका ३ क्षेत्रमा क्रमश दिलमान पाख्रिन, देवेन्द्रराज कँडेल र अर्जुन जोशी प्रतिनिधि बनेका छन् । त्यस्तै, भक्तपुरका २ क्षेत्रका लागि हरिशरण नेपाली र गणेश लामा प्रतिनिधि बनेका छन् ।
काठमाडौंको पछि कांग्रेसले प्रदेशस्तरमा पनि विरोध प्रदर्शन गर्ने तयारी गरेको छ । सहकारी ठगीका सम्बन्धमा कांग्रेसले संसदीय छानवीन समिति गठनको माग गर्दै आएको छ । उसले संसद पनि अवरोध गरिरहेको छ । समितिको कार्यादेशका बारो सहमति जुट्न नसक्दा केही दिनदेखि सत्ता पक्ष र प्रतिपक्षबीच लगातार वैठक बसिरहेको छ । प्रतिपक्षी दल कांग्रेसले गृहमन्त्री रवि लामिछाने विगतमा आवद्ध भएको गोर्खा मिडियामा रकम अपचलन गरेका सहकारीको नाम र गृहमन्त्रीको नाम उल्लेख गरेर छानवीन समिति बनाउनुपर्ने माग गरेको छ । तर सत्ता पक्ष गृहमन्त्रीको बचाउ गर्दै उनको नाम राख्न नहुने अडानमा रहंदा सहमति जुटेको छैन ।