खोज

सुर्खेत, १२ जेठ ।

वीरेन्द्रनगर नगरपालिकामा ‘मेयरसँग महिला किसान’ कार्यक्रममा सञ्चालन भएको छ । महिलालाई उत्पादनमा जोडेर आत्मनिर्भर बनाउने लक्ष्यअनुरुप कार्यक्रम ल्याइएको हो । कार्यक्रम अन्तर्गत कृषक महिलालाई कृषिऔजार वितरणका साथै उनीहरुलाई प्रविधिसँग पनि जोडिएको नगरपालिकाका मेयर मोहनमाया ढकालले बताइन् ।

विशेषगरी यो कार्यक्रमकृषक महिलालाई लक्षित गरेर ल्याइएको ढकालले बताइन् । ‘यसअघि नै अटो सञ्चालन, महिला स्वरोजगार लगायतकाकार्यक्रमहरू सञ्चालन गरेका थियौ’ मेयर ढकालले भनिन्, ‘अहिलेको प्रविधिसँगकिसानमहिलालाई जोडेर अगाडि बढ्न सजिलो होस् भन्नेहाम्रो उद्देश्य हो । ’यस कार्यक्रम अन्तर्गत सहकारी तथा महिला समूहलाई विशेष प्राथमिकतादिने उनले बताइन् । कार्यक्रमले रोजगारी सिर्जना, उत्पादनमा वृद्धिसँगै आर्थिक वृद्धिदरमा सहयोग पुग्ने अपेक्षा लिइएको उनको भनाई छ ।

महिलाहरूलाई उत्पादन र रोजगारमा जोडेर आत्मनिर्भर बनाइने उनले बताइन् । ‘विगतका कार्यक्रमहरु उद्यमी महिलालाई प्राथमिकता दिएका थियौं भने अहिले कृषक महिलालाई पनि जोडेर कार्यक्रम बनाएका छौ’, ढकाल भन्छिन्, ‘यसमा मल वीउ, मेसिन वितरणसँगै नयाँ प्रविधिलाई पनि जोड्छौ ।’ यसरी मेसिन वितरण गर्दा ५० प्रतिशत नगरपालिकाले अनुदान दिन्छ भने ५० प्रतिशत स्वयंमले नै जुटाउनुपर्ने हुन्छ ।

यसैबिच उक्त कार्यक्रम अन्तर्गत नगरभित्रका महिला किसानहरूलाई मेसिनरी औजार वितरण समेत गरिएको छ । विभिन्न ३९ जना महिलाहरूलाई ती औजारहरू वितरण गरिएको हो । नगरपालिकाका अनुसार २८ जना महिलालाई मिनिटिलर र ११ जनालाई पावर टिलर वितरण गरिएको हो ।