खोज

बुटवल, १ जेठ । देशका आर्थिक विकासको मेरुदण्ड खेल पर्यटन बन्न सक्ने सम्भावनालाई मध्येनजर गरि खेल प्रवद्र्धनमा लागेको मदन भण्डारी स्पोर्टस एकेडेमीका अध्यक्ष ध्रुव आचार्यले दाबी गरेका छन । वर्षभरि नै विविध खेलकुद प्रतियोगिता गरि खेल र खेलाडीको विकासमा आफु निरन्तर लागेको उनले बताए । फुटबल, क्रिकेट, भलिबलदेखि अन्य धेरै खेलका राष्ट्रिय खेलाडी उत्पादन गरेको रुपन्देही खेलकुदको उर्वरभुमी भएको भन्दै उनले खेलकुद हबका रुपमा रुपन्देही रहेको बताए । स्वर्गिय जननेता मदन भण्डारीको ३१ औ स्मृति दिवसको अवसर पारेर विहिबार बुटवलमा हुन लागेको हाफ म्याराथन तथा रोड रेसको तयारीबारे जानकारी दिन आयोजित पत्रकार सम्मेलनमा अध्यक्ष आचार्यले खेलाडीलाई ब्यवसायीक र खेललाई ब्यापक रुपमा प्रचारप्रसार गर्ने गरि संस्थागत रुपमा काम गरेको बताए ।

रुपन्देहीमा खेलकुद पूर्वाधारलाई दीर्घकालिन सोचका साथ अगाडी बढाउनुपर्ने उनले सुझाव दिए । बहुआयामिक क्षेत्रसंग खेलकुद जोडिएको भन्दै उनले यसलाई साहसिक पर्यटनको माध्यमबाट देशको आर्थिक समृद्धि गर्न सकिने सम्भावना रहेको बताए । हाफ म्याराथन २१ किलोमिटर (खुल्ला पुरुष), दौड १० किलोमिटर कलेज स्तरीय पुरुष, ५ किलोमिटर विद्यालयस्तर छात्र तथा ३ किलोमिटर दौड छात्रा र १ सय मिटर दौड छात्रछात्रा हुने छ । जेष्ठ नागरिकहरुलाई लक्षित गरि वाकाथन समेत हुने उनले बताए । लुम्बिनीमा यसअघि म्याराथन आयोजना गरेको भन्दै उनले यो दोस्रो भएको बताए ।

प्रतियोगिता संयोजक तथा एकेडेमीका एथ्लेटिक्स विभाग प्रमुख मोहन बहादुर घलेले हाफ म्याराथन र रोड रेसको तयारीबारे प्रकाश पार्दै विजेता खेलाडी घोषणाका पारदर्शी गर्ने हुने गरि ब्यवस्थापन भएको बताए । प्रतियोगिताको पाच ईभेन्टमा सहभागीहरुमध्येबाट आठौ स्थानसम्मका खेलाडीलाई साईक्लिस्टबाट स्कटको ब्यवस्था गरिएको उनले बताए । बुटवल युनाईटेड साईक्लिङ क्लब, सैनामैना साईकल साथी, बुटवल साईक्लिङ ग्रुप, तिनाउ साईक्लिङ क्लब, ह्याप्पी साईक्लिङ क्लब लगायतका रुपन्देही जिल्लाका साइक्लिष्टरुबाट समन्वय भएको उनले बताए । प्रतियोगिताको खुला पुरुष हाफ म्याराथनको उपाधि विजेताले नगद १ लाख, उपविजेताले ७५ हजारसहित तृतिय ५० हजार, चौथौ ३० हजार, पाचौ २० हजार, छैटौ १० हजार रुपैया पुरस्कार राशी रहेको छ ।

यसैगरि कलेजस्तरीय १० किलोमिटर (छात्र) दौडमा प्रथम, द्धितिय, तृतिय गरि क्रमश छैटौसम्म ३५, २५, १५, १०, ७ र ५ हजार रुपैया पुरस्कार रहेको छ । यसैगरि विद्यालय छात्रामा प्रथम देखि छैटौसम्म क्रमश २० हजार, १५ हजार, १२ हजार, १० हजार, ७ हजार र ५ हजार रहेको छ । छात्रा ३ किलोमिटर दौडमा प्रथमदेखी छैटौसम्म क्रमश १५ हजार, १० हजार, ७ हजार, ५ हजार, ३ हजार र २ हजार रुपैया पुरस्कार राशी रहेको छ । प्रतियोगिता सम्पन्न गर्न करीब ४० लाख रुपैया खर्च हुने आयोजकको अनुमान छ ।

स्वयंसेवक संयोजक तथा एकडेमीका केन्द्रिय सदस्य धमेन्द्र शाक्यले हजारौ मास सहभागी हुने अनुमान रहेको कार्यक्रममा स्टेज, वाटर पोईन्ट र टर्निङ पोईन्टहरुमा आवश्यक ब्यवस्थापनका लागि सुरक्षा निकायसंग समन्वय गरि करीब ५० जना खटिने बताए । म्याराथनका खेलाडीहरुको बुधबार कालिका मानवज्ञान माबिमा स्वस्थ्य परिक्षण गरिने कार्यक्रम तय भएको उनले बताए ।

कार्यक्रममा पुर्व सभासद तथा एकेडेमीको सल्लाहकार मोहन रेग्मी, प्रेस सल्लाहकार अमृता अनमोलले खेलाडीहरुको मनोभावनालाई उचो बनाउने गरि देशका कुनाकाप्चामा खेलकुद गतिविधिहरु एकेडेमीबाट गर्दै आएको बताए ।

भिडियो सामग्री