खोज

आज विश्व हाँसो दिवस । हामी सबैले जाने बुझेकै कुरा हो– हाँसोले हाम्रो स्वास्थ्यमा स्फूर्ति मात्रै ल्याउँदैन, हाम्रो जीवनलाई दिर्घायू समेत बनाउँछ । तसर्थ चिकित्सकहरुले त दिनमा एकपटक मज्जाले वा खुलेरै हाँस्न सल्लाह दिने गरेका छन । हाँसोभित्र हाम्रो जीवन र भविष्य जोडिएको छ । जति बढी हाँस्न सक्यो उति मन चंगा हुन्छ, मन हलुंगो हुन्छ । जीवन स्पूmर्ति हुन्छ । तर, हाँस्न त्यति सजिलो पनि छैन । आजको मानिस विभिन्न पीडामा छटपटिएको छ । विभिन्न तनावले थिचिएको छ । त्यो अवस्थामा हाँसो निस्किन निकै गाह्रो छ । यद्यपि हाँसोले कुनैपनि कुरा या पीडालाई निको पार्न वा समाधान गर्न सक्दैन, तर यसले धेरै कुरा र पीडाहरूलाई छेउ लगाउँदै जीवनको मूल्य आत्मसाथ गर्न मद्दत पु¥याउँछ । यही मूल्य बुझेर नै हरेक बर्षको मे महिनाको पहिलो आइतबार विश्व हाँसो दिवस मनाउने गरिएको छ । मे ५ मा मनाइने हाँसो दिवस पहिलोपटक सन् १९९८ मा भारतको मुम्बईमा मनाइएको थियो । हाँसो एउटा सकारात्मक अनि शक्तिशाली भाव हो, यसले जीवनमा रस अनि आशा थप्दछ । हाँसोले मातृत्व, भातृत्व, मातृ बात्सल्य सवै कुरा जोड्दछ । हाँसोले खुसी दिन्छ तसर्थ हाँस्न नभुलौ । हाँसोलाई हरेक दिन बढाउँदै लैजाउँ । हाँसो मै जीवन खोजौं ।

समाजमा हाँसोको महत्व आफू हाँस्ने मात्र नभई अरूलाई पनि हँसाउने हुनुपर्दछ भनिएको छ । निश्चितरुपमा आफूमात्रै हाँसेर हुने भए मानिस एकांकी हुनेथियो । तर, यहाँ एकजना मानिस हाँसेरमात्रै हुँदैन, मानिस आफूसंगै अरुलाई पनि हँसाउन सक्ने हुनुपर्दछ । जीवनको एउटा महत्वपूर्ण कार्य भनेकै आफू हाँस्नु र अरूलाई पनि हाँस्न सिकाउनु हो । हँसाउन प्रोत्साहन गर्नु पनि एउटा ठूलो सामाजिक कला हो । वास्तवमा हाँसोको कति महत्व छ भन्ने कुरा शब्दमा बयान गरेर सकिदैन । हाँसो किन्न सकिदैन । मानिसले हाँसो किन्न पाउने भए पैसा हाँसोमा बगाउँथे होला तर हाँसोको महत्व आफ्नै छ । विश्वलाई आज केही कुराको कमी छ भने त्यो हो हाँसो । तसर्थ मनभित्रैबाट हाँसौं । आज मानिसलाई हाँसो चाहिएको छ । मानिससंग लाखौं करोडौं पैसा छ तर मनमा सन्तोष छैन । पैसाले जीवन र हाँसो किन्न सकिदैन् । हाँसोको मूल्य अपरम्पार छ । तसर्थ महाकवि लक्ष्मीप्रसाद देवकोटा भन्छन– गरिब भन्छौ सुखको मै छु धनी……। अर्थात एउटा मानिस गरिव छ तर उ सुखी छ । सुखी हुनु भनेको उ दुःखमा पनि रमाउन सकेको छ, हाँस्न सकेको छ । तसर्थ हाँस्नका लागि धनी हुनै पर्दैन । बरु धनी हाँस्न सक्दैन । गरिव सुखी छ र त उ हाँस्न सकेको छ । पीडामा पनि हाँस्न सक्नु महानता हो । तसर्थ हाँसो दिवसको अवसरमा दिर्घ जीवनका लागि, स्वास्थ्यका लागि र अरुको दुःख सुखमा सहभागी हुन सकौं । हाँस्न सकौं । थोरैमात्र होइन दिल खोलेर हाँसौँ, आफूमात्रै होइन अरुलाई पनि हँसाउन सकौँ । हाँसोमै रमाऔं । अरुलाई हँसाउन सकेपनि सन्तुष्टी मिल्छ । अतः विश्व हाँसो दिवसको अवसरमा अरुको मन जितेर आफूपनि हाँसौ र अरुलाई पनि हँसाऔं । हाँसो नै जीवन र जगत हो ।